यूएईका मुस्ताफाले सुदूरपश्चिम र इंग्ल्याण्डका म्याट क्रिटले पोखराबाट एनपीएल खेल्ने

कात्तिक २०, २०८१ मंगलबार १३:१५:२४ | उज्यालो सहकर्मी

काठमाण्डौ – यूएईका अलराउन्डर रोहन मुस्ताफाले सुदूरपश्चिम रोयल्स र इंग्ल्याण्डका म्याट क्रिटले पोखरा एभेन्जर्सबाट नेपाल प्रिमियर लिग (एनपीएल) खेल्ने भएका छन् ।

सुदूरपश्चिमले चौथो विदेशी खेलाडीका रूपमा मुस्ताफालाई टोलीमा अनुबन्ध गरेको सामाजिक सञ्जालमार्फत जनाएको छ । योसँगै सूदूरपश्चिमले विदेशी खेलाडीको कोटा पूरा गरेको छ ।

त्यस्तै इंग्ल्याण्डका अलराउण्डर म्याट क्रिटले पोखरा एभेन्जर्सबाट खेल्ने भएका छन् । पोखराले अलराउन्डर म्याटलाई हिजो अनुबन्ध गरेको हो । म्याटले अस्ट्रेलियाको बिग बाश लिग खेलेका छन् । उनले अहिलेसम्म राष्ट्रिय टोलीबाट भने खेलेका छैनन् ।

पोखराले म्याटलाई चौथो विदेशी खेलाडीको रूपमा अनुबन्ध गर्दै चार जना विदेशी खेलाडीको कोटा पूरा गर्ने पहिलो टोली बन्यो । नेपाल क्रिकेट सङ्घ (क्यान) को आयोजनामा एनपीएलको पहिलो संस्करण आउँदाे मङ्सिर १५ देखि पुष ६ गतेसम्म हुनेछ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्