काठमाडाैं - चलचित्र प्रेमलीलाको फस्टलुक सार्वजनिक गरिएको छ ।

चलचित्रमा भारतबाट नेपाल घुम्न आएका युवा र नेपाली युवतीबीच भएको  प्रेम र त्यसक्रममा आइपर्ने उतारचढावहरुलाई चलचित्रको कथाका रुपमा प्रस्तुत गर्ने प्रयास गरिएको छ । 

चलचित्रमा दीपशिखा खड्का, भारतीय मोड अलि खान, सुरज तमु, प्रभाकर शर्मा लगायतका कलाकारहरुको मुख्य अभिनय रहेको छ । 

चलचित्रको निर्देशन जनक पाण्डेले गरेका हुन् । चलचित्रको कथा चलचित्रकी नायिका दीपशिखाले नै लेखेकी हुन् । उनले यसअघि पनि केही चलचित्रहरुमा अभिनय गरिसकेकी छन् । तर पनि उनी दर्शकमाझ चिनिन सकेकी थिइनन् ।

त्यसैले नायिका दीपशिखा आफ्नो डेब्यु चलचित्र प्रेमलीला नै भएको बताउँछिन् । यस चलचित्रबाट भने दर्शकको माया पाउने कुरामा उनी विश्वस्त छिन् ।

चलचित्रमा दीपशिखाले कपाल मुन्डन गरेकी छिन् । आफ्नो कपाल मुण्डनले चलचित्रलाई विशेष बनाएको र चलचित्र फरक धारबाट निर्माण गरिएको उनको भनाई थियो ।

चलचित्र प्रेमलीला माघ २५ गतेबाट अल नेपाल प्रदर्शन गर्ने गरी काम अघि बढिरहेको बताइएको छ ।