भारतले दुई दशकमा साढे १९ करोड भन्दा धेरै रोजगारी थप्यो
कात्तिक १७, २०८१ शनिबार
डोल्पादेखि दैलेख, बाँके हुँदै काठमाडौं : किन बन्नुपर्याे बामदेवलाई सांसद ?
काठमाडौं – बर्दिया १ बाट प्रतिनिधिसभाको चुनाव हारेका बामदेव गौतमले जसरी भए पनि सांसद हुने रहर गर्नुभएको धेरै भयो ।
तर कसैले ठाउँ नछोडेपछि काठमाडाैं ७ का प्रतिनिधिसभा सदस्य रामवीर मानन्धरलाई फकाउन बल्लतल्ल उहाँ सफल हुनुभयो । मानन्धरले राजीनामा दिएपछि काठमाडौं ७ मा अब उपनिर्वाचन हुने भएको छ । उपनिर्वाचनमा उठेर सांसद बन्ने गौतमको दाउ छ ।
तर जसरी पनि सांसद हुने नेता गौतमको चाहनालाई नेकपाकै नेता कार्यकर्ताले रुचाएका छैनन् । त्यसमाथि पाँच वर्षका लागि जितेका नेतालाई हटाएर हारेका गौतमलाई सांसद बनाउन खोज्नु जनमतको अपमान भएको भन्दै आलोचना सुरु भैसकेको छ ।
शीर्ष नेताहरुले पनि नेता गौतमलाई फकाउने प्रयास गरेकै हुन् । तर नेता गौतमले जिद्दी नछाडेपछि मानन्धरलाई फकाउन पार्टी अध्यक्षद्वय केपी शर्मा ओली र पुष्पकमल दाहाल प्रचण्ड पनि लाग्नुपर्यो । अन्त्यमा पार्टीले जे भन्छ, त्यो मान्छु भन्दै आफ्नो ठाउँ छोड्न मानन्धर बाध्य हुनुपर्यो ।
डोल्पादेखि दैलेख, बाँके हुँदै काठमाडौं
यसअघि नेता गौतम डोल्पाबाट सांसद बन्ने चर्चा थियो । त्यसअनुसार पर्यटन राज्यमन्त्रीसमेत रहेका डोल्पाका सांसद धनबहादुर बुढालाई राजीनामा दिएर ठाउँ छोड्न पार्टी नेतृत्वले आग्रह गर्यो । तर सांसद बुढाले मात्र होइन, डोल्पाकै युवाहरुले समेत मानेनन् ।
डोल्पाबाट चुनाव लड्ने प्रयास विफल भएपछि नेता गौतमको ध्यान दैलेख र बाँकेतर्फ मोडियो । तर त्यहाँ पनि स्थानीय नेता कार्यकर्ताले मानेनन् । अन्त्यमा काठमाडौं ७ मा मानन्धरलाई गलाउन उहाँ सफल हुनुभयो ।
काठमाडौं ७ मा गाह्रो
रामवीर मानन्धरलाई फकाउन सजिलो भए पनि काठमाडौं ७ का मतदातालाई रिझाउन नेता गौतमका लागि त्यति सजिलो छैन । चुनाव हारेका नेता जसरी पनि सांसद हुन खोज्यो भनेर पार्टी नेता कार्यकर्ताले नै आलोचना गरिरहेका छन् । नेता गौतम सांसद भएर के हुन्छ र उहाँले अहिलेसम्म नभएको के कुरा गरेर देखाउन सक्नुहुन्छ भन्ने जवाफ कोहीसित छैन ।
स्वभाविक ढंगबाट पद रिक्त भएर उपनिर्वाचन हुने भएको भए मतदातामा पनि उत्साह हुन्थ्यो । तर नेता गौतम आफू जसरी पनि सांसद हुने चाहनामा यस्तो खेल हुँदैछ भन्ने सन्देश बाहिर गएको छ । अर्थात नेता गौतमप्रति नेकपाकै कार्यकर्ता तथा मतदाता असन्तुष्ट छन् । यसकारण चुनाव जित्न उहाँलाई अप्ठ्यारो पर्ने देखिन्छ ।
त्यसमाथि रामवीर मानन्धर नेवार समुदायको उम्मेदवार हुनु तथा कांग्रेसको मत राप्रपालाई जानुले पनि उहाँको जित भएको थियो । तर अहिले पहिलेको जस्तो अवस्था छैन । नेकपा नेतृत्वको सरकारको कार्यशैली र नेता गौतमको आफ्नै छविका कारण पनि मतदाता निराश छन् ।
काठमाडौं ७ बाट मानन्धर दोस्रो पटक सांसदमा निर्वाचित हुनु भएको थियो । पछिल्लो चुनावमा तत्कालीन एमालेका उम्मेदवार मानन्धरले १८ हजार १ सय २ मत प्राप्त गरी विजयी हुनुभएको थियो । उहाँका निकटतम प्रतिस्पर्धी राप्रपाका विक्रम थापाले १० हजार ७९ मत प्राप्त गर्नु भएको थियो ।
पछिल्लो समयमा सरकारको घट्दो लोकप्रियतका बीच काठमाडौं ७ नै भए पनि बामदेवलाई चुनाव जित्न सजिलो छैन । यसअघिको चुनावमा उम्मेदवार नै नउठाएको कांग्रेसले केही साना दलहरुसँग गठबन्धन गरेर वा कुनै राष्ट्रिय अनुहारलाई उम्मेदवार बनाए बामदेव गौतम पनि हार्ने सम्भावना रहन्छ ।
प्रधानमन्त्री बन्ने चाहना
उपप्रधानमन्त्री भैसकेका नेता गौतमलाई प्रधानमन्त्री बन्ने चाहना हुनु स्वभाविक नै हो । हुन त अहिलेलाई ५ वर्षसम्म केपी शर्मा ओलीले नै सरकारको नेतृत्व गर्नुहुन्छ भनेर एकथरि नेकपाका नेताहरुले भन्दै आएका छन् । तर पार्टी एकता गर्ने बेला आलोपालो गर्ने भद्र सहमति भएको छ भनेर प्रचण्डले बेलाबेला सम्झाउने गर्नुहुन्छ । ओली र उहाँ पक्षका नेताहरु आलोपालो गर्ने कुरा सुन्न पनि चाहँदैनन् ।
भोलि पालो आउने बेला ओलीले नछाड्ने हो भने आफूलाई अप्ठ्यारो पर्ने प्रचण्डले बुझिसक्नुभएको छ । त्यसैले त्योबेला बामदेवलाई अघि सार्ने उहाँको योजनाअनुसार नै यस्तो भैरहेको नेकपाका नेताहरु बताउँछन् । प्रचण्डको जोडबलमा आफू प्रधानमन्त्री बन्ने नेता गौतमको पनि चाहना छ ।
तर सांसद नहुँदासम्म प्रधानमन्त्री बन्न पाईंदैन । त्यसैले प्रधानमन्त्री बन्न सक्ने भोलिको बाटो सहज बनाउन नेता गौतम जसरी पनि सांसद हुन लाग्नुभएको बुझ्न सकिन्छ । तर प्रधानमन्त्री बन्ने बाटोजस्तै सांसद हुने बाटो पनि त्यति सहज चाहिँ देखिँदैन ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
2 Comments
समाचार
-
-
हङकङ सिक्सेस क्रिकेट प्रतियोगिताको क्वाटर फाइनलमा नेपाल श्रीलङ्...
कात्तिक १७, २०८१ शनिबार
-
नेकपा एमालेद्वारा कीर्तिपुर नगर प्रमुख उम्मेदवारमा डा.सुरेन्द्...
कात्तिक १७, २०८१ शनिबार
-
दुध किसानले पाउनुपर्ने बक्यौता एक अर्ब ३० करोड रुपैयाँमा झर्याे
कात्तिक १७, २०८१ शनिबार
-
नेपाल भाषालाई पाठ्यक्रममा समावेश गर्न प्रक्रिया अगाडि बढाउने प्...
कात्तिक १७, २०८१ शनिबार
-
काठमाण्डौमा वायु प्रदूषण बढ्यो : तिहारका बेला पटका पड्काउनु म...
कात्तिक १७, २०८१ शनिबार
-
तिहारमा मुस्ताङबाट ४ हजार भेडाच्याङग्रा बिक्री
कात्तिक १७, २०८१ शनिबार
-
सर्लाहीको बरहथवा बजारमा किराना पसलमा आगलागी
कात्तिक १७, २०८१ शनिबार
-
नेपाल संवत् नेपाली माटोको संवत् हो : प्रधानमन्त्री ओली
कात्तिक १७, २०८१ शनिबार
-
प्लाष्टिकजन्य फूल काठमाण्डौ महानगरको प्रहरी बलबाट जफत
कात्तिक १७, २०८१ शनिबार
-
दाङमा मोटरसाइकलको ठक्करबाट घाइते भएका पुरुषको ज्यान गयो
कात्तिक १७, २०८१ शनिबार
-
युक्रेनमा विजय नभएसम्म रुसको साथमा रहने उत्तर कोरियाको घोषणा
कात्तिक १७, २०८१ शनिबार
-
विश्वकप क्रिकेट लिग–२ : नेपालले आज अमेरिकासँग खेल्दै
कात्तिक १७, २०८१ शनिबार
-
जाजरकोट भूकम्पको एक वर्ष : क्षति भएका घर तथा संरचना पुनर्निर्म...
कात्तिक १७, २०८१ शनिबार
विचार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
-
सरकारको सय दिन निराशाजनक पनि होइन, तर आशा जगाउने खालको पन...
कात्तिक ७, २०८१ बुधबार
-
चलचित्रबीच प्रतिस्पर्धा हुनु राम्रो हो, तर तालमेल नमिल्दा बेमेल...
कात्तिक ४, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
कृष्ण पोख्रेल
Oct. 10, 2018, 7:07 a.m.म त अचम्मित भएको छु हजुर यो खबर पढेर सुनेर निर्वाचनमा हारेका नेता साम्सद बन्ने अझ प्रधानमन्त्री बन्न इच्छुक हुने हाल को चुनाबमा जितेर अाएका नेतालाई बाहिर बस्न फकाउने के यहि हो त लोकतन्त्र जनताको मतको कदर ?जनताको सेवामा लाग्ने नेतालाई अाफु संन्सदभवनमा नभए पनि जनताको सेवामा लाग्न सकिन्छ र अहिले त अाफ्नै पार्टीको दुई तिहाइको सरकार छ किन चाहियो प्रतिनिधि सभामा स्थान अाफुले जाने बुझेको कुरा बाहिरै बाट अाफ्ना पार्टीका कार्यकर्तालाई दिए हुन्न किन चाहियो कुर्सी ?मेरो बुझाईमा इ जनताको सेवामा अाएका होइनन् अाफ्नो स्वार्थ पूरा गर्न र देशलाइ कङ्गाल बनाउन राजनितीमा अाएका हुन्।
Bhupendra Nirajan
Oct. 9, 2018, 6:17 p.m.एक जना नेता या एउटा झुण्डको स्वार्थका लागि लोकतन्त्रको मर्म र सौन्दर्य आर्यघाटमा पुगेको दिन। नेताको लालचका कारण नागरिकलाई भेडा बनाउने निरन्तरताको पनि पराकाष्टा!