डोटीमा हाडे ओखरलाई दाँतेमा परिणत गर्ने प्रविधिको परीक्षण शुरु

 चैत २, २०८० शुक्रबार १५:४६:५ | रासस
unn.prixa.net

फाइल फाेटाे

डोटी — कृषि ज्ञान केन्द्र डोटीले पहिलो पटक परीक्षणस्वरूप ओखरमा 'टप ओर्किङ' गरेको छ । हाडे ओखरलाई दाँतेमा परिणत गर्न यो प्रविधि अपनाइन्छ ।

'टप ओर्किङ' अन्तर्गत बिरुवाको पालुवा पलाउनुभन्दा अगाडि हाडे ओखरको बोटको माथिल्लो भाग काटेर यसको बोक्रामा दाँते ओखरको सानो हाँगा जोडिने कृषि प्राविधिकले बताएका छन् ।

दाँते भनी लगाएका ओखर हाडे निस्किएको भन्दै किसानले गुनासो गर्न थालेपछि केन्द्रले 'टप ओर्किङ' गर्न थालेको कृषि ज्ञान केन्द्र डोटीका निमित्त कार्यालय प्रमुख गङ्गादत्त अवस्थीले जानकारी दिनुभयो । उहाँले शुरुमा परीक्षणरूप ५० 'टप ओर्किङ' गरेको बताउनुभयो ।

दिपायल सिलगढी नगरपालिकासहित आदर्श र सायल गाउँपालिकामा 'टप ओर्किङ' गरेको ज्ञान केन्द्रले जनाएको छ । यो प्रविधि सफल भएमा ज्ञान केन्द्रले आफ्नो वार्षिक कार्यक्रममा समेटी जिल्लामा विस्तार गर्ने कार्यालय प्रमुख अवस्थीले बताउनुभएको छ ।

अन्तिम अपडेट: बैशाख १५, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया