मुग्लिन–पोखरा सडकको पश्चिम खण्डमा ७० वटा मठमन्दिर भत्किने

चैत ७, २०८० बुधबार १५:५४:१८ | रासस

तनहुँ – मुग्लिन–पोखरा सडक विस्तार आयोजनाअन्तर्गत तनहुँको पश्चिम खण्डमा ७० वटा मठमन्दिर भत्किने भएका छन् । राजमार्गको सडक मापदण्डभित्र निर्माण गरिएका मठमन्दिरहरू भत्किने भएका आयोजनाले जनाएको छ । तनहुँ खण्डमा मात्रै १२ वटा मन्दिर र दुई वटा पार्क भत्किने छन् ।

प्रमुख जिल्ला अधिकारीको संयोकत्वमा गठित मुआब्जा निर्धारण समितिको बैठकले मन्दिरको क्षतिपूर्तिका लागि मुआब्जा निर्धारण गरिसकेको छ । तनहुँ खण्डका लागि मात्रै ३४ लाख रुपैयाँ मुआब्जा वितरण गर्नुपर्ने देखिएको छ भने कोत्रेदेखि कास्कीको सेतीपुलसम्मको लगत लिने काम भइरहेको रेना आरडीइटी–एस कन्सल्टटेन्सीका परामर्शदाता कुमार श्रेष्ठले जानकारी दिनुभयो ।

मन्दिरको मुआब्जाका लागि मूल्याङ्कन भइसकेकाले सम्बन्धित समूहले वडाको सिफारिस, समूहको माइन्युट र निवेदनलगायतका आवश्यक कागजपत्र आयोजनासमक्ष पेस गर्नुपर्ने छ । पश्चिम सडक खण्डअन्तर्गत दुई लेन रहने छ किलोमिटर दूरीमा 'अस्पाल्ट' प्रविधिको कालोपत्र सम्पन्न भएको छ ।

अहिले पश्चिम खण्डकाे भौतिक प्रगति १८ प्रतिशत पुगेको छ । पश्चिम खण्डका लागि सात अर्ब ४० करोड ४६ लाख ८१ हजार रुपैयाँमा ठेक्का सम्झौता भएको थियो । २०७८ सालमा भदौदेखि काम शुरु भएको यस खण्ड २०८१ साल भदौ १२ गतेसम्म सक्नुपर्ने सम्झौता छ । सडक विस्तारको पूर्वी खण्डमा ५१ प्रतिशतभन्दा बढी भौतिक प्रगति भएको छ । यो खण्ड २०८१ साल वैशाखसम्म सक्नुपर्ने छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मुग्लिन–पोखरा सडकको पश्चिम खण्डमा ७० वटा मठमन्दिर भत्किने

फाइल फाेटाे

तपाईको प्रतिक्रिया