बहराइनमा एक नेपालीको कोरोनाका कारण ज्यान गएको भन्ने हल्ला असत्य

जेठ ६, २०७७ मंगलबार १९:३५:५७ | उज्यालो सहकर्मी

काठमाण्डौ – बहराइनमा एक नेपालीको कोरोनाका कारण ज्यान गएको भनेर चलेको हल्ला सत्य नभएको नेपाली दूतावासले प्रष्ट पारेको छ । दूतावासले ती नेपालीको कोरोनाको कारण ज्यान नगएको प्रष्ट पारेको हो ।

बहराइनको आधिकारिक निकायबाट प्राप्त सूचनाअनुसार मे महिनाको पहिलो हप्ता पानीमा डुबेर ती व्यक्तिले ज्यान गुमाएको दूतावासले जनाएको छ । सम्बन्धित सबै कागजात दूतावासमा सुरक्षित रहेको भन्दै दूतावासले भविष्यमा यस्ता भ्रामक सूचना सम्प्रेषण नगर्न आग्रह गरेको छ ।

यस्तै अहिलेसम्म बहराइनमा कोरोनाका कारण कुनै पनि नेपालीको ज्यान नगएको पनि दूतावासले प्रष्ट पारेको छ ।

बहराइनमा रहेको नेपाली दूतावास तथा विभिन्न संघसंस्थाबीच विविध क्रियाकलापमा सहयोग तथा सहकार्य आदानप्रदान हुँदै आएकोमा भविष्यमा पनि यसको निरन्तरता हुने पनि दूतावासले जनाएको छ ।

याे पनि पढ्नुहाेस्

मे १९ : खाडी र मलेसियामा काेराेना सङ्क्रमितकाे सङ्ख्या १ लाख ५० हजार नाघ्याे

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)