देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

363_Desh Paradesh 2019_06_11

Download

कार्यक्रम देश परदेशको अंक ३६३ कामगर्न विदेश गएका नेपाली जेल पर्ने कारण र जेल परेकालाई सरकारले गर्ने कानूनी सहयोगको विषयमा केन्द्रित छ । मलेसियामा जेल परेर फर्किएका सुनसरीका रामेश्वर ऋषीदेवको भोगाई कार्यक्रममा सुन्न सकिन्छ । विदेशमा जेल पर्ने कारण के हुन,अनि कसरी जोगिएर काम गर्ने भनेर ११ वर्ष साउदीमा काम गरेर फर्किएर अहिले कामदारकै हीतमा काम गरिरहेका कुलप्रसाद कार्कीका सुझाव कार्यक्रममा सुन्न सकिन्छ । जेलमा रहेका नेपालीलाई सरकारले गर्ने कानूनी सहयोगका विषयमा वैदेशिक रोजगार बोर्डका कार्यकारी निर्देशक राजन प्रसाद श्रेष्ठसँग गरिएको कुराकानी सँगै नियमित स्तम्भ दिदीबहिनीका कुरामा छोरो मलेसियामा जेल परेपछि बेसहारा भएकी मोरङ जिल्लाको लेटाङ्की मनमाया मगरका कुरा समेटेका छौं ।

देश परदेश (अडियाे)

363_Desh Paradesh 2019_06_11

अरु एपिसोडहरु