देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

367_Desh Paradesh 2019-07-09

Download

कार्यक्रम देश परदेशको ३६७ औं अंक प्रधानमन्त्री रोजगार कार्यक्रमले गाउँ र नगरपालिकामा ल्याएको हलचलका विषयमा केन्द्रित छ । प्रधानमन्त्री रोजगार कार्यक्रम मार्फत कसरी काम भइरहेको छ र पालिकाहरुले बेरोजगारको पहिचान कसरी गरेका छन् भन्ने विषयमा तयार पारिएको रिपोर्ट सुन्न सकिन्छ । कार्यक्रम सञ्चालनका लागि सबै पालिकाले बजेट पाए पनि काम भने सबैले गरेका छैनन् । कार्यक्रम शुरु नगर्ने कारण के हुन् त भन्ने विषयमा ताप्लेजुङको मिक्लाजुङ र धादिङको गजुरी गाउँपालिकाको कुरा कार्यक्रममा समावेश गरिएको छ । अनि, प्रधानमन्त्री रोजगार कार्यक्रमको औचित्यका बारे श्रम रोजगार तथा सामाजिक सुरक्षा मन्त्रालयका प्रवक्ता तथा सहसचिव डा. नारायण रेग्मीको बिचार पनि कार्यक्रममा सुन्न सकिन्छ । नियमित स्तम्भ दिदीबहिनीका कुरा र हप्ताभरीका वैदेशिक रोजगार गतिविधिसँगै तपाईंका रुचीका विषय समेटिएको राउण्ड अप पनि छँदैछ ।

देश परदेश (अडियाे)

367_Desh Paradesh 2019-07-09

अरु एपिसोडहरु