दुवईमा जारी आईटीयु सम्मेलन सकिँदै

कात्तिक ३०, २०७५ शुक्रबार १७:३५:२१ | उमाकान्त पाण्डे

युएई – दुवईमा अन्तर्राष्ट्रिय टेलिसञ्चार संघ (आईटीयु) का २० अाै‌ विश्व सम्मेलन शुक्रबार सकिँदैछ । युएईको आयोजनामा दुवई वल्र्ड ट्रेड सेन्टरमा अक्टोबर २९ देखी चलेको सम्मेलन चीनलाई अध्यक्ष राष्ट्र घोषित गर्दै सकिन लागेको हो ।

सम्मेलनमा १ सय ९३ सदस्य देशका १ सय ३० जना मन्त्री, निजी क्षेत्रका कम्पनी , शैक्षिक संस्था तथा क्षेत्रीय र अन्तराष्ट्रिय निकायका ८ सय जना प्रतिनिधि गरी गरी झन्डै ३ हजार जनाको सहभागिता छ ।

सम्मेलनमा नेपालको तर्फबाट सञ्चार तथा सूचना प्रविधिमन्त्री गोकुल बास्कोटाको नेत्रित्वमा मन्त्रालयका दुई सहसचिव र तीन उपसचिव सहभागी हुनुुहुन्छ । र्यक्रमको उद्घाटनमा मन्त्री बास्कोटा सहभागी भएपनि व्यस्तताले नेपाल फर्किएपछी उपनेताको रुपमा युएईका कार्यबहाक राजदूत सागरप्रसाद फुंयाँलले नेपाली प्रतिनिधिमण्डलको नेतृत्व गर्नुभएको छ ।

सम्मेलनले आईटीयूको वित्तीय योजना तय गर्दै पाँच प्रमुख कार्यकारीहरुको निर्वाचन गरेको थियो । आइटियुको नयाँ अध्यक्षता चीनले पाएको छ भने उप नेतृत्वमा बेलायतले गर्ने भएको छ । यस्तै सम्मेलनले रेडियो सञ्चार क्षेत्र व्यूरो तथा दूरसञ्चार मानकीकरण क्षेत्र प्रबन्धक, दूरसञ्चार विकास एवम रेडियो नियमनका सदस्य पनि छनोट गरेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्