‘सिंहदरबारको अधिकार गाउँमा पुगेको होइन, सिंहदरबारका राजाहरु गाउँमा पुगेका हुन्’

मंसिर ३, २०७५ सोमबार २०:३०:१८ | सुमन तिमल्सिना

मोरङ – हचुवाका भरमा अध्ययन बिना कर लगाउँदा स्थानीय तहमा विवाद र करको बिरोध भएको विराटनगरका उद्योगी व्यवसायीहरुले बताएका छन् ।

उद्योगी व्यवसायीहरु कर तिर्न उत्सुक भए पनि कर तिर्ने वातावरण भने स्थानीय तहले नबनाएको उद्योगी व्यवसायीहरुको आरोप छ । संवाद समूह मोरङले आयोजना गरेको संवाद कार्यक्रममा वैज्ञानिक तरिकाले करको दर निर्धारण नहुँदा उद्योग व्यवसाय धारासायी भएको भन्दै उद्योगीहरुले चिन्ता व्यक्त गरेका छन् ।

संवादमा सहभागी विराटनगरका उद्योगी व्यपारीहरुले स्थानीय तहले कर बैज्ञानिक ढङ्गले लागू गर्नु पर्ने बताएका छन् । संवादमा उद्योग संगठन मोरङ, मोरङ व्यापार संघ, उद्योग वाणिज्य महासंघ प्रदेश कमिटी र विराट व्यापार संघका अध्यक्ष र पदाधिकारीहरुको सहभागिता रहेको थियो ।

संवादमा सहभागीहरुले कर लगाउँदा करको बारेमा अध्ययन हुनु पर्ने, कारको बर्गीकरण गर्नु पर्ने र दोहोरो तेहेरो कर हटाइनु पर्ने माग राखेका थिए । उद्योग संगठन मोरङका अध्यक्ष भीम घिमिरेले हचुवाका भरमा स्थानीय तहमा कर लिइएको दाबी गर्नुभयो ।

उहाँले सिंहदरबारको अधिकार गाउँमा पुगेको नभएर कर लिन सिंहदरबारका राजाहरु गाँउ पसेको आरोप लगाउनुभयो । ‘जुन खालको कर प्रणाली छ, त्यसले गाउँका उद्योग सबैभन्दा हुने अवस्थामा पुगेको बताउनुभयो । १५ हजार तिर्दै आएका उद्योगले ५ लाखसम्मको कर तिर्नु पर्ने भएको छ । यो कसरी भयो ?’, घिमिरेले भन्नुभयो ।

छलफल र सहकार्यको आधारमा स्थानीय तहबाट कर लगाइनु पर्नेमा जबरजस्ती कर लगाइएको उहाँको भनाई थियो । उद्योग वाणिज्य महासंघ प्रदेश १ का उपाध्यक्ष राजेन्द्र राउतले दोहोरो कर लिन नपाउने संवैधानिक व्यवस्था भए पनि दोहोरो तेहेरो कर लिएर उद्योगीहरुलाई पलायन गराउने नीति लिएको उल्लेख गर्नुभयो ।

‘वर्गिकरणको कुरा आफू खुशी भएका छन् । सबै कारोवार गरेकाहरुलाई एउटै बास्केटमा हालेर हेरिएको छ’, राउतले भन्नुभयो, ‘यसले समस्या निम्त्याएको छ ।’ मोरङ व्यापार संघका अध्यक्ष पवन सारडाले कर नै नलाग्ने ठाउँमा पनि कर लगाइएको र ट्याक्सको विषयमा उद्योगीहरुलाई दुख दिएको बताउनुभयो । उहाँले कर कसरी र के आधारमा लिने भन्ने मापदण्ड नभएको बताउनुभयो ।

‘कतिपय उद्योगहरुले स्क्वायर फिटको आधार घर नक्सा पासको १५ लाखसम्म तिरेको प्रमाण छ । सरकारी कर्मचारीको मानसिकता के छ त ?’, साडारले भन्नुभयो, ‘हामी आफै रणभुल्लमा छौं ।’ उद्योगी प्रदीप मुरारकाले स्थानीय तहले उद्योग सञ्चालन गर्ने वातावरण बनाए जति कर लिए पनि हुने बताउनुभयो । उद्योग खोल्ने जमिन र दर्ता प्रकृया मात्रै सहज गरिदिए पनि उद्योगीहरुले जति पनि कर तिर्ने बताउनुभयो ।

तर उद्योग दर्ता गर्ने समस्या र खोल्नै समस्या भइरहेको बेला कर पनि थोपारेर स्थानीय तहले उद्योगी व्यवसायीलाई खेद्न खोजेको बताउनुभयो । महिला उद्योगी प्रतिभा रिजालले स्थानीय तहले महिलाहरुले सञ्चालन गरेको उद्योगलाई प्रोत्साहान दिनु पर्ने बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

1 Comments

Bindas Boy
Nov. 20, 2018, 2:17 a.m.
यस्तै हचुवाकै भर्मा उठाईएका कर राज्यको ढुकुटी मा धेरै भएर त १८ करोड को गाडी खरिद गर्न लागिएको छ त।।। होइन भने हजुवाकै भर मा उठाएका करको सहि सफुपयोग गरि हाल्थेनी हचुवा मात्र होइनन हचुवा सङै घिचुवा हरु पनि छन राजाहरु मध्धे का बेईमान हरु।।।।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘सिंहदरबारको अधिकार गाउँमा पुगेको होइन, सिंहदरबारका राजाहरु गाउँमा पुगेका हुन्’

1 Comments

Bindas Boy

तपाईको प्रतिक्रिया

तपाईको प्रतिक्रिया