बाँकेको नरैनापुरमा झाडापखालाबाट शरीरमा पानी कमी हुँदा चार जनाको ज्यान गएको पुष्टि

भदौ १८, २०८१ मंगलबार ८:०:१८ | उज्यालो सहकर्मी

काठमाण्डौ – बाँकेको नरैनापुरमा झाडापखालाबाट शरीरमा पानीको कमी हुँदा चार जनाको ज्यान गएको पुष्टि भएको छ । बिरामीपरेका मध्ये एकै परिवारका तीनसहित चार जनाको ज्यान गएको थियो ।

स्वास्थ्य कार्यालय बाँकेका सूचना अधिकारी एवम् महामारी रोगका ‘फोकल पर्सन’ नरेन्द्र श्रेष्ठले नरैनापुर गाउँपालिका–३ गेगली गाउँमा एक बालकसहित चार जनाको शरीरमा पानीको कमी भएकाले ज्यान गएको जानकारी दिनुभयो ।

मृतकका परिवारले स्वास्थ्यकर्मीलाई दिएको रोगको लक्षणका आधारमा जिल्ला स्वास्थ्य कार्यालयले सार्वजनिक गरेको प्रतिवेदनका अनुसार झाडापखालाका कारण शरीरमा पानीको मात्रा कमी हुनाले ज्यान गएको पुष्टि भएको छ ।

गएको भदौ १४ गतेदेखि फैलिएको झाडापखाला महामारीका रुपमा भने नरहेको नरैनापुर स्वास्थ्य शाखाका प्रमुख नगेन्द्र शाहले जानकारी दिनुभयो । नरैनापुर–३ गेगलीका श्यामलाल पासीको घरमा पहिलोपटक झाडापखालाको सङक्रमण देखिएको थियो ।

सङक्रमणबाट ज्यान गुमाउनेमा ७५ वर्षीया शान्ति पासी, उहाँकी २६ वर्षीया बुहारी उषा पासी, एक वर्षकी नाबालिका र युसुफ अलि रहेका छन् । झाडापखाला देखिएको नरैनापुरमा हैजाजन्य किटाणु भने नभएको स्वास्थ्य शाखाका प्रमुख अङ्गत शाहीले जानकारी दिनुभयो । गाउँपालिकाले गाउँमा स्वास्थ्य शिविर सञ्चालन गरी पानी शुद्धीकरणका लागि आवश्यक औषधि वितरण गरेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाँकेको नरैनापुरमा झाडापखालाबाट शरीरमा पानी कमी हुँदा चार जनाको ज्यान गएको पुष्टि

तस्बिर : सामाजिक सञ्जाल

तपाईको प्रतिक्रिया