बस दुर्घटनाका घाइतेलाई स्थानीय तहको आर्थिक सहयोग

मंसिर ९, २०७५ सोमबार ५:४०:२९ | रासस

दार्चुला - मालिकार्जुन गाउँपालिका– ३ तेर्छालेकमा गत शुक्रबार बिहान भएको मिनीबस दुर्घटनाका घाइतेलाई दार्चुलाका पाँच वटा स्थानीय तहले उपचारका लागि आर्थिक सहयोग गर्ने घोषणा गरेका छन् ।

जिल्ला प्रशासन कार्यालयमा आइतबार एक कार्यक्रमकाबीच दार्चुलाका महाँकाली नगरपालिका, शैल्यशिखर नगरपालिका, मालिकार्जुन गाउँपालिका, दुहुँ गाउँपालिका र व्यास गाउँपालिकाले आर्थिक सहयोग गर्ने घोषणा गरेका हुन् । बस दुर्घटनामा परी घाइते भएर उपचारमा रहेका छ जना घाइतेका लागि प्रति स्थानीय तह रु एक÷एक लाख सहयोग गर्ने घोषणा गरेका हुन् । मालिकार्जुन गाउँपालिका अध्यक्ष नरेन्द्रसिंह धाँमीले बस दुर्घटनामा परी गम्भीर घाइते भएकाको उपचारमा स्थानीय सरकारकोतर्फबाट सहयोग गर्ने घोषणा गरिएको बताउनुभयो ।

उहाँले प्रदेश सरकारले हेलिकप्टरमार्फत बिरामीको उद्धार ग¥यो, हामी पनि स्थानीय सरकारकोतर्फबाट घाइतेको उपचारमा सहयोग पु¥याउन चाहन्छौँ भन्नुभयो । । गत शुक्रबार मालिकार्जुन जात्राबाट फर्किनेक्रममा पवनदूत यातायातको म१ख ४३६ नंको बस दुर्घटना हुँदा दुईको मृत्यु भएको थियो भने छ जना गम्भीर घाइते भएका थिए । घाइतेहुनेमा लेकम गाउँपालिका– ४ का २८ वर्षीया लक्ष्मी कुवँर, २५ वर्षीया लक्ष्मी कुँवर, सोही गाउँपालिका– ५ का २५ वर्षीय दौलतसिंह कुँवर, मालिकार्जुन गाउँपलिका– ८ का १५ वर्षीय भूपेन्द्र धाँमी, २८ वर्षीय रमेश धाँमी र ३० वर्षीय धीरेन्द्र धाँमी छन् ।

घाइतेमध्ये धीरेन्द्र र दौलतको काठमाडाँैमा उपचार भइरहेको छ भने बाँकीको नेपालगञ्जमै उपचार भइरहेको छ । बस दुर्घटनामा भारत उत्तराखण्ड पिथौरागढ अस्कोटका अनिल पाल र उनकी श्रीमती मञ्जु पालको मृत्यु भएको छ ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्