जनयुद्धलाई मेटाउने प्रयास नगर्न प्रचण्डकाे चेतावनी

फागुन १, २०८१ बिहीबार १८:१७:३४ | उज्यालो सहकर्मी

काठमाण्डाै – नेकपा (माओवादी केन्द्र) का अध्यक्ष पुष्पकमल दाहाल प्रचण्डले संविधानका उपलब्धि उल्टाउने प्रयास भइरहेको बताउनुभएको छ ।

पार्टीले मनाएको जनयुद्ध दिवसका अवसरमा शुभकामना दिँदै उहाँले संविधानका उपलब्धिमा युद्धको आधार भएको भन्दै अहिले एकाथरी शक्तिले अग्रगामी व्यवस्था उल्टाउन लागेको आरोप लगाउनुभएको हो ।

कतिपय कमजोरीको आत्मसमीक्षा गर्दै पार्टी फेरि पनि यो देशका आमश्रमजीवी वर्ग, महिला, दलित, आदिवासी जनजाति, मधेशी, मुस्लिमलगायत उत्पीडित समुदाय र क्षेत्रको एजेन्डामा फर्केको प्रचण्डले शुभकामना सन्देशमा उल्लेख गर्नुभएको छ । जनयुद्ध दिवस राष्ट्रिय दिवस भएको उल्लेख गर्दै उहाँले अहिले शान्ति प्रक्रिया नटुङ्ग्याएकाे कारण देखाएर अदालतले स्थगन गरे पनि यसलाई राष्ट्रिय दिवसका रूपमा स्थापित गरेरै छाड्ने दृढता व्यक्त गर्नुभएको छ ।

यसैबीच पार्टी केन्द्रीय कार्यालय पेरिसडाँडामा पार्टीको तर्फबाट आयोजित ३०औं जनयुद्ध दिवसको अवसरमा आयोजित कार्यक्रमलाई सम्बोधन गर्दै अध्यक्ष प्रचण्डले जनयुद्धलाई मेटाउने प्रयास नगर्न चेतावनी दिनुभएको छ ।

अन्तिम अपडेट: फागुन १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्