दक्षिण कोरियामा चिनियाँ प्रविधि डीपसीक एआई डाउनलोड गर्न प्रतिबन्ध

फागुन ५, २०८१ सोमबार १८:१३:२२ | एजेन्सी

दक्षिण कोरियाले चिनियाँ कम्पनी डीपसीकको एआई च्याटबट डाउनलोड गर्न प्रतिबन्ध लगाएको छ । गोपनीयताको चिन्ताका कारण दक्षिण कोरियाले डीपसीकको कृत्रिम बौद्धिकता अर्थात् ‘आर्टिफिसियल इन्टेलिजेन्स’ (एआई) च्याटबोटको नयाँ डाउनलोडमा प्रतिबन्ध लगाएको बीबीसीले जनाएको छ ।

देशको व्यक्तिगत डाटा सुरक्षा कानूनहरूको पालना सुनिश्चित गर्न सुधारका उपायहरू अपनाएमा यो एआई मोडेल दक्षिण कोरियाली प्रयोगकर्ताहरूका लागि फेरि उपलब्ध हुने सरकारी एजेन्सीलाई उद्धृत गर्दै खबरमा उल्लेख छ ।

यस हप्ता समाचारमा देखा परेपछि डीपसीक दक्षिण कोरियामा निकै चर्चित भएको छ । लाखौं मानिसहरूले एप स्टोरबाट डाउनलोड गरेका छन् । तर जसरी डीपसीक चर्चित भयो, धेरै देशहरूमा यो छानबिनको दायरामा पनि आएको छ । गोपनीयता र राष्ट्रिय सुरक्षा चिन्ताको कारण देखाउँदै धेरै देशमा यो एपमा प्रतिबन्ध लगाइएको छ ।

दक्षिण कोरियामा पहिले नै एप डाउनलोड गरिसकेकाहरूले यसलाई आफ्नो फोनबाट वा डीपसीकको वेबसाइटमा गएर प्रयोग गर्न सक्नेछन् ।

अन्तिम अपडेट: फागुन ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दक्षिण कोरियामा चिनियाँ प्रविधि डीपसीक एआई डाउनलोड गर्न प्रतिबन्ध

साङ्केतिक तस्वीर

तपाईको प्रतिक्रिया