आफूलाई कुटी घाइते बनाउनेसँग दुई हजार उपचार खर्च माग्दा नदिएपछि हत्या

मंसिर २०, २०७५ बिहीबार १८:०:२७ | राजु लामिछाने

रुकुम पश्चिम – रुकुम पश्चिममा कुटपिटका कारण एक व्यक्तिको ज्यान गएको छ । आठबीसकोट नगरपालिका –५, का २८ वर्षीय धनबहादुर बिकले त्यसै वडाका २२ वर्षीय रबिन सार्कीको हत्या गरेका हुन् ।

व्यक्तिगत रिसिइवीका कारण बिकले सार्कीलाई कुटपिट गरेका थिए । गएको मंसिर ७ गते आठबीसकोटको राडीबाट घरतर्फ जाँदै गर्दा बिकले वडा नं. ४ गिदीविसा भन्ने ठाउँमा सार्कीमाथि कुटपिट गरेको जिल्ला प्रहरी कार्यालयले जनाएको छ ।

प्रहरीका अनुसार सार्कीले घटना हुनुभन्दा पहिला बिकलाई कुटपिट गरी घाइते बनाएको र त्यसको उपचारका क्रममा खर्च भएको दुई हजार नदिएपछि बिकले सार्कीलाई कुटेको जिल्ला प्रहरी प्रमुख प्रहरी नायव उपरीक्षक सुमित खड्काले बताउनुभयो ।

घटनाको अनुसन्धान भैरहे पनि प्रारम्भिक अनुसन्धानका क्रममा दुई हजार नदिएकै झोँकमा बिकले सार्कीलाई कुटपिट गरेको खुलेको डीएसपी खड्काले जानकारी दिनुभयो ।

सार्कीको उपचारको क्रममा गएको मंसिर ११ गते मेडिकल कलेज कोहलपुरमा मृत्यु भएको थियो । कुटपिटपछि फरार भएका बिकलाई मंसिर १० गते नै जाजरकोटको बगराबाट पक्राउ गरे पनि प्रहरीले आज सार्वजनिक गरेको हो । जिल्ला अदालतबाट म्याद थपेर उनलाई थुनामा राखी घटनाको थप अनुसन्धान भैरहेको प्रहरीले जनाएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्