भाउजुको जग्गा हडप्न देवरको चलाखी, वडाध्यक्षकै मिलेमतोमा घरमै बन्धक बनाइयाे

मंसिर २८, २०७५ शुक्रबार ८:२२:१७ | शुभनारायण यादव

सप्तरी – सप्तरीको डाक्नेश्वरी नगरपालिका वडा नं ९ पत्थरगाडाका एकल महिला सीतादेवी शर्मालाई वडाध्यक्ष कर्णदेव चौधरीको निर्देशनमा गएको चार दिनदेखि बन्धक बनाइएको घटना सार्वजनिक भएको छ ।

वडाध्यक्ष चौधरीले सीतादेवीका देवर विहारी शर्मासँग मिलेर षड्यन्त्रपूर्वक सीतादेवीको नामको जग्गा उनकै देवरको नाममा गरिदिन भनेपछि नमान्दा विहारीका छोराहरू वीरेन्द्र, परमेश्वर, वसन्त र रामअवतारलाई निर्देशन दिएर थुन्न लगाइएको सीतादेवीको आरोप छ ।

१ कट्ठा ८ धुर जग्गाकोको विषयलाई लिएर आफ्नै देवरले जालझेल गर्न थालेपछि सीतादेवीले अदालतबाट छिनोफानो गर्ने भनेकी थिइन् । तर यो कुरा समाजमै मिलाउन दबाब दिँदै वडाध्यक्ष चौधरीले सबैतिरबाट बाटो अवरुद्ध गर्न लगाएर आफूहरुको परिवारलाई बन्धक बनाएको सीतादेवीले बताउनुभयो ।

आफूलाई घरभित्रै गराइएको बन्दीबारे गाउँ तथा प्रहरी चौकी पथरगाढामा जानकारी गराए पनि वडाध्यक्षको प्रभावले कसैले पहल नगरेको सीताको दुखेसो छ । घर बाहिर आउजाउ गर्ने चारैतिरको बाटो थुनिँदा यतिबेला सीताको २ बुहारी र ६ नाति नातिना गरी ९ सदस्यीय परिवार बन्धक बनाइएका छन् ।

बन्धकपछि बालबालिकाहरू विद्यालय जान पाएको छैनन् भने पशुचौपयासमेत तीनदेखि भोकभोकै छन् । तर वडाध्यक्ष चौधरीले भने परिवार बन्धक बनाइएको बारेमा आफूलाई जानकारी नभएको बताउनुभएको छ । घटनाको सम्बन्धमा थप अनुसन्धान भैरहेको प्रहरीले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्