बिहेको भोजमा रक्सी खाँदा तीनजनाको मृत्यु

पुष २, २०७५ सोमबार १२:२५:२३ | राजु लामिछाने

रुकुम पश्चिम – रक्सी खाएका कारण रुकुम पश्चिममा ३ जनाको ज्यान गएको छ । जिल्लाको मुसिकोट नगरपालिका वडा नं. १२ का अम्मर विकको घरमा मदिरा सेवा गरेर सुतेको ३ जनाको ज्यान गएको हो ।

सानीभेरी गाउँपालिका–९, मगरराङजाका ६३ वर्षीय खम्बु कामी, मुसिकोट नगरपालिका–११, भलाक्चा लहुँका ५४ वर्षीय कमानसिङ सार्की र मुसिकोट नगरपालिका–१२, नयाँ गाउँका २१ वर्षीय पलबहादुर विकको मृत्यु भएको प्रहरीले जनाएको छ ।

आइतबार एक स्थानीयको बिहेको भोजसहित मदिरा सेवन गरेर सुतेका उनीहरु सोमबार बिहान मृत फेला परेको जिल्ला प्रहरी प्रमुख प्रहरी नायव उपरीक्षक सुमित खड्काले बताउनुभयो । विषाक्त रक्सी सेवन गरेका कारण उनीहरुको मृत्यु भएको हुनसक्ने प्रारम्भिक अनुसन्धानबाट खुलेको डीएसपी खड्काले बताउनुभयो ।

५ जनामध्ये ३ जना मृतकले सेवन गरेको रक्सी र अरु २ जनाले सेवन गरेको रक्सी फरक–फरक पाइएको पनि डीएसपी खड्काले बताउनुभयो । घटनाबारे थप अनुसन्धान भैरहेको प्रहरीले बताएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्