भारतीय लगानीमा निर्माण गर्न लागिएकाे प्रसूति गृहको ठेक्का रद्द गरिँदै

पुष १०, २०७५ मंगलबार ८:४३:४५ | शुभनारायण यादव

सप्तरी – भारतीय लगानीमा सप्तरीको राजविराजमा रहेको सगरमाथा अञ्चल अस्पतालमा निर्माणाधीन प्रसूति गृहको ठेक्का रद्द गर्न प्रकृया सुरु भएको छ ।

वर्षौँ बितिसक्दा पनि ठेकेदार कम्पनीले निर्माणको काम नसकेपछि ठेक्का रद्द गर्न लागिएको हो । भारतीय दूतावासमा ठेक्का रद्द गर्ने फाइल पेश गरिएको अस्पताल स्रोतले जनाएको छ ।

जम्मा २ करोड २३ लाख ४४ हजार रुपैयाँमा ठेक्का लागेको प्रसूति गृह निर्माणको काम २०६६ सालमा सम्पन्न गर्नुपर्ने थियो । निर्माण कम्पनीले चासो नदेखाएपछि ठेक्का रद्द गरेर नयाँ प्रकृया सुरु गर्न लागिएको मेडिकल सुपरिन्टेन्डेन्ट डा. चुमनलाल दासले जानकारी दिनुभयो ।

उहाँका अनुसार पुरानो ठेक्का रद्द गरी स्वास्थ्य मन्त्रालयको बजेटबाट भवन निर्माणको काम सम्पन्न गरिने छ । शहरी विकास तथा भवन निर्माण डिभिजन कार्यालयमार्फत अधुरो काम सम्पन्न गर्ने गरी ठेक्का आह्वानको तयारी भैरहेको छ ।

डिभिजन कार्यालयका प्रमुख रमेश थिङ्गले प्रसूति गृहको अधुरो भवन सम्पन्न गर्नका लागि ठेक्का लगाउने तयारी भैरहेको बताउनुभयो । बजेट आउने निश्चित रहे पनि आएपछि मात्र ठेक्का लगाएर काम सुरु गरिने उहाँले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्