खेल आर्थिक विकासको आधार हो: मुख्यमन्त्री शाही

पुष १०, २०७५ मंगलबार १८:५९:३८ | राजु लामिछाने

रुकुम पश्चिम – कर्णाली प्रदेशका मुख्यमन्त्री महेन्द्रबहादुर शाहीले खेलकुद स्वास्थ्य, मनोञ्जन र प्रतिस्पर्धाका लागि मात्र नभई आर्थिक विकासको समेत आधार रहेको बताउनुभएको छ ।

खेललाई आर्थिक विकासका लागि प्रयोग गर्नुपर्नेमा जोड दिदै उहाँले निजि क्षेत्रबाट हुने खेलकुदका कार्यक्रममा सहकार्य गर्न सरकार तयार रहेको समेत बताउनु भएको छ ।

जिल्ला क्रिकेट संघ रुकुम पश्चिमले चौरजहारीमा आयोजना गरेको कर्णाली प्रदेश कप टी–२० क्रिकेट प्रतियोगिताको उद्घाटन गर्दै मुख्यमन्त्री शाहीले कर्णाली प्रदेशको खेलकुद विकासका लागि प्रदेश सरकारले वातावरण बनाइरहेको जनाउनुभयो ।

कर्णाली प्रदेशको क्रिकेट विकासमा टेवा पु¥याउने र जिल्लालाई क्रिकेटका माध्यमबाट चिनाउने उद्धेश्यले आयोजना गरिएको प्रतियोगिता पुस १७ गतेसम्म सञ्चालन हुने आयोजकले जनाएको छ ।

प्रतियोगितामा कर्णाली प्रदेशका ७ जिल्लाको सहभागिता रहेको जिल्ला क्रिकेट संघ रुकुमका अध्यक्ष दिपक बाँठामगरले जानकारी दिनुभयो । उहाँका अनुसार प्रतियोगितामा आयोजक रुकुमसहित, सुर्खेत, जाजरकोट, सल्यान, जुम्ला र कालिकोटको सहभागिता जनाएका छन् ।

सहभागी जिल्लालाई दुई समूहमा विभाजन गरेर खेल खेलाइने छ । समूह ए मा आयोजक रुकुम सहित डोल्पा, सल्यान र कालिकोट रहेका छन् भने समुह बी मा जाजरकोट, सुर्खेत र जुम्ला रहेका छन् ।

दुई समूहका विजेता र उपविजेता सेमिफाइनलामा पुग्नेछन् । यो सेवा सुविधा र पुरस्कार राशिका हिसाबले कर्णाली प्रदेशमा आयोजना हुने ठूला प्रतियोगितामध्यकै भएको जिल्ला क्रिकेट संघले जनाएको छ ।

प्रतियोगिताको विजेताले नगद १ लाख सहित ट्रफी, पदक र प्रमाणपत्र तथा उपविजेताले नगद ६० हजारसहित ट्रफी, पदक र प्रमाणपत्र प्राप्त गर्ने आयोजकले बताएको छ ।

यसका साथै खेलका म्यान अफ द म्याच, म्यान अफ द सिरिज, बेष्ट बलर, बेष्ट ब्याट्सम्यान, इमर्जिङ प्लेयर र लोकल इमर्जिङ प्लेयरको उपाधि पनि दिइने बताइएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्