वडा कार्यालयबाटै स्वास्थ्य सेवा

पुष ११, २०७५ बुधबार १२:३७:२७ | राजु लामिछाने

रुकुम पश्चिम – सरकारको उपस्थिति घरदैलोमै देखाउन जनप्रतिनिधिहरु असफल रहेको गुनासो बढिरहेको बेला रुकुमका जनप्रतिनिधिहरु घरदैलो सेवामा सक्रिय भएका छन् ।

नेपाल सरकारले अघि सारेको एक वडा एक स्वास्थ्य चौकी कार्यक्रम अन्तर्गत रुकुम पश्चिमको मुसिकोट नगरपालिकाले पहिलो पटक वडामा स्वास्थ्य चौकी स्थापना गरेको छ ।

नगरपालिकाको वडा नम्बर १० मा वडा स्वास्थ्य चौकी स्थापना गरिएको हो । ग्रामीण बस्तीमा पनि सजिलै स्वास्थ्य सेवा उपलब्ध गराउने उद्धेश्यले वडा वडामा स्वास्थ्य चौकी स्थापना गर्न थालिएको नगरप्रमुख देवीलाल गौतमले बताउनुभयो । उहाँका अनुसार अब नागरिकले वडा कार्यालयबाट स्वास्थ्य सेवा पनि उपलब्ध गराइने छ ।

सामान्य रुघा खोकी र ज्वरो आउँदा समेत सदरमुकाम खलंगाजानुपर्ने बाध्यतालाई हटाउन वडाबाट स्वास्थ्य सेवा दिन थालिएको वडा अध्यक्ष गोप्यश्वर केसीले बताउनुभयो । अहिलेलाई उक्त स्वास्थ्य चौकीमा अहेब, अनमीको व्यवस्था गरिएको वडाअध्यक्ष केसीले जनाउनुभयो ।

अहिले वडा कार्यालयकै भवनमा स्वास्थ्य चौकी सञ्चालन गरिएको र यसैवर्ष नगरपालिकाबाट विनियोजित रकमबाट स्वास्थ्य चौकीको भवन बनाइने वडा नम्बर १० का सदस्य बसन्त खड्काले बताउनुभयो ।

उहाँका अनुसार नगरपालिकाबाट छुट्याइएको बजेटबाटै औषधि तथा जनशक्ति व्यवस्थापन हुनेछ । स्वास्थ्य औजार, फर्निचर तथा व्यवस्थापन वडा कार्यालयबाटै हुने बताइएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्