नेपालगञ्जमा इद उल फित्रको रौनक

असार २, २०७५ शनिबार १२:११:३७ | गोविन्द शर्मा

बाँके – इस्लाम धर्मावलम्वीहरुको पवित्र महिना रमजानको अन्तिम दिन नेपालगञ्जमा शनिबार धु्मधामका साथ इद उल फित्र मनाइएको छ ।

नेपालगञ्जको विपी चौकमा रहेको इदगाहमा हजारौँ इस्लाम धर्मावलम्बीहरुले एकसाथ नमाज पढ्दै मुलुकमा स्थायी शान्ति तथा अमनचयन र समृद्धिको कामना गरेको मुस्लिम धर्मगुरु मौलाना जब्बार मञ्जरीले बताउनुभयो । इदगाहमा नअटाएपछि विपी चोक र घरका छतछतबाट पनि नमाज पढिएको ।

नेपाल सरकारका शहरी विकास मन्त्री मोहम्मद इस्तियाक राई सामूहिक नमाजमा सहभागी हुनुभएको थियो । इदको शुभकामना आदानप्रदानका लागि गैरइस्लाम धर्मावलम्बीहरु समेत ईदगाहमा पुगेर गला मिलाएर इदको शुभकामना दिएका छन् । ईदगाहमा सुरक्षा तथा प्रशासनिक कर्मचारीका प्रमुख विभिन्न राजनीतिक दलका नेता कार्यकर्ता, उद्योगी व्यवसायी, सामाजिक अगुवा लगायतको उपस्थिती रहेको थियो ।

हिजरी सम्वतको ८ औं महिना रजबुल मुरज्जबको समाप्तिको भोलिपल्टदेखि रमजानुल मुबारकको महिना सुरु हुन्छ । अन्तिम दिन इदको रुपमा मनाइन्छ । रमजानको महिनामा इस्लाम धर्मावलम्वीहरु बिहान सूर्य उदाएपछि देखि सुर्यास्त नहुँदासम्म प्रत्येक दिन एक महिनासम्म केही नखाइकन व्रत बस्ने गर्छन् ।
हिजरी सम्वतको १२ महिना मध्ये रमजानुल मुबारकु पवित्र र एवादत (उपासना) गर्ने महिना समेत हो ।

रमजान महिनामा दिनभरीको रोजा समाप्त गर्ने बेलामा सामूहिक रुपमा बसेर खाने प्रचलन रहेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्