आइफोनबाट ट्वीट गर्ने कर्मचारीलाई हुआवेले गर्यो कारबाही

पुष २०, २०७५ शुक्रबार १७:३४:५३ | उज्यालो सहकर्मी

हुआवे कम्पनीमा काम गर्ने दुईजना कर्मचारीलाई आइफोनबाट ट्वीट गरेको आरोपमा कारबाही गरिएको छ ।

हुआवे कम्पनीका दुईजना कर्मचारीलाई आइफोनबाट हुआवेको ‘अफिसियल’ ह्याण्डल खोलेर ट्वीट गरेको आरोपमा कारबाही गरिएको हो । ट्वीट अंग्रेजी नयाँ वर्षको दिन गरिएको थियो । ‘ह्याप्पी २०१९’ लेखेको ट्वीट आइफोनबाट गरेको देखिएपछि दुईजना कर्मचारीलाई कारबाही गरिएको हो ।

चाइनिज कम्पनी हुआवेले एप्पललाई प्रतिद्वन्द्वी कम्पनीको रुपमा लिँदै आएको छ । उसले आफ्ना कर्मचारीहरुले हुआवेकै उत्पादन उपयोग गर्नुपर्नेमा जोड दिने गरेको छ । हुआवेले चीनमा आफ्नो उत्पादन प्रयोग गर्न सबैलाई अनुरोध समेत गरेको छ ।

हुआवेले गएको वर्ष स्यामसङलाई समेत टक्कर दिने गरी बजार विस्तार गरेको थियो भने एप्पललाई पछि पारेको थियो । रोयटर्स न्युज एजेन्सीका अनुसार कम्पनीले आइफोनबाट ट्वीट गर्ने दुईजना कर्मचारीको तलब घटाएको छ भने पद पनि घटुवा गरेको छ ।

That was fast pic.twitter.com/y6k0FJF7Gq
— Marques Brownlee (@MKBHD) January 1, 2019

तत्कालै हुआवे अफिसियल ट्वीटर ह्याण्डलबाट ट्वीट हटाइए पनि त्यो सामाजिक सञ्जालभर फैलिन भ्याइसकेको थियो । हुआवेले आइफोनबाट ट्वीट गरेका कारण आफ्नो उत्पादन बिक्रीमा कमी आउने र ब्राण्ड खस्कने भन्दै कर्मचारीलाई समेत सचेत गराएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्