रुकुम–डोल्पा गाडी चल्न थाल्यो

पुष २२, २०७५ आइतबार ११:५०:३७ | राजु लामिछाने

रुकुम पश्चिम – जाजरकोट–डोल्पा सडक अन्तर्गत रुकुम पश्चिमको आठबीसकोट नगरपालिका–४, गोतामकोटदेखि डोल्पा सदरमुकाम दुनैसम्म गाडी चल्न थालेका छन् । गोतामकोटबाट गाडी चढेका यात्रु झण्डै ५ घण्टापछि दुनै पुग्ने गरेका छन् ।

सडकका विभिन्न ठाउँमा पर्ने खोला र ठूलीभेरी नदीको कारण गोतामकोटदेखि दुनैसम्म चल्ने एउटै गाडी भने गोतामकोटबाट सिधै दुनै पुग्दैन । गाडी फेर्दे यात्रुहरु गोतामकोटबाट डोल्पाको दुनैसम्म पुग्ने गरेका छन् । अघिल्लो वर्ष गोतामकोटदेखि डोल्पाको हरियापानीसम्म मात्रै गाडी चल्ने गरेको भए पनि यो वर्षदेखि भने दुनैसम्म नै गाडी चल्न थालेका हुन् ।

गोतामकोटबाट तीन वटा गाडी परिवर्तन गरेर मात्रै यात्रु दुनै पुग्ने गर्छन् । एक हजार चार सय ५० रुपैयाँ भाडा तिरेर यात्रुले गोतामकोट–दुनै यात्रा गरिरहेका छन् । रुकुम पश्चिमको आठबीसकोट नगरपालिका–४, गोतामकोटबाट डोल्पाको त्रिपूराकोट नगरपालिका हरियापानीसम्म पहिलो गाडी लाग्छ । यो खण्डमा यात्रा गर्दा एकजनाले यात्रुले सात सय भाडा तिर्नुपर्छ । यो खण्डमा रेमन यातायात प्रालिले दैनिक ६ देखि ८ वटा सम्म जीप सञ्चालन गरेको छ ।

गोतामकोटबाट ३ घण्टाको गाडी यात्रापछि हरियापानी ओर्लेर डोल्पाको खदाङ पुग्ने यात्रुले खदाङबाट डोल्पाकै त्रिपूराकोट पुग्ने अर्को गाडी चढ्नु पर्छ । तीन सय ५० रुपैयाँ प्रतियात्रु भाडा लाग्ने यस खण्ड डेढ घण्टाको बाटो हो । त्यसपछि त्रिपूराकोटबाट दुनै पुग्न एउटा यात्रुबाट यातायात व्यवसायीले ४ सय रुपैयाँ लिने गरेका छन् । झण्डै २ घण्टामा त्रिपूराकोटबाट दुनै पुग्न सकिन्छ ।

समस्या कायमै

जाजरकोट–डोल्पा सडक अन्तर्गतको सडकको पुरै ट्रयाक खोलिए पनि खोला तथा ठूली भेरी नदीमा पुल नबन्दा समस्या छ ।

धेरै ठाउँका खोला र ठूली भेरी नदीमा पुल नबनेकै कारण सर्वसाधारणलाई गाडी फेर्दै यो खण्डमा यात्रा गर्नुपर्ने बाध्यता भने कायमै छ । सडक जोडिए पनि पुल नबन्दा समस्या कायमै रहको सर्वसाधारणको गुनासो छ । सडक निर्माणसँगसँगै पुल पनि बनाउन थालिएको भए धेरै खोलाको पानीमा गाडी हिँडाल्नुपर्ने बाध्यता हुने थिएन । पुल बनाउने सुरसार अहिले पनि नथालिएकाले केही बर्वा सर्वसाधारण यात्रुले यसरी नै दुःख पाउनुपर्ने अवस्था रहेको छ ।

आठबीसकोट नगरपालिका–४, को गोतामकोटदेखि ६ नम्वर वडासम्म पुग्दा मात्रै २ वटा खोलामा पुल बनेका छैनन् । रेजेगार, उसुमखोलामा पुल नबन्दा हिउँदमा गाडी खोलामै हिँड्छन् भने वर्षामा भने गाडी वारिका वारि, पारिका पारि नै रहन्छन् । डोल्पाको हरियापानी पुगेपछि यात्रुहरु झोलुङ्गे पुलमार्फत ठूली भेरी तरेर खदाङ पुग्ने गरेका छन् ।

खदाङबाट त्रिपुराकोट पुग्दासम्म चौगार खोला, छलगार खोला, गल्लीगार खोला तर्नुपर्छ । त्रिपुरकोटबाट दुनै पुग्दा पनि सुपपानी हुँदै रुपगारखोला तरेपछि मात्रै गन्तव्यमा पुग्न सकिन्छ । गोतामकोटबाट गाडि फेरेरै भए पनि दुनै पुगिने भएपछि यस रुट भएर त्यता जाने तथा झर्नेहरु बढेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्