शाहरुखको फिल्मबाट करीना बाहिरिइन्, दंगल गर्ल फातिमा साना शेखकाे सम्भावना बढी

पुष २२, २०७५ आइतबार १९:४७:१६ | उज्यालो सहकर्मी

शाहरुख खान २०१८ को क्रिसमसको अवसरमा रिलिज भएको फिल्म ‘जीरो‘ फ्लप भएपछि २०१९ को सुरुवातमै अर्को फिल्मको तयारीमा लागिसकेका छन् ।

शाहरुख खानले फिल्म ‘सेल्यूट’ को छायांकनको काम ३ महिनापछि सुरु गर्ने बताए पनि अब भने उनले यस फिल्मको छायांकनको काम छिट्टै नै सुरु गर्न लागेका छन् ।

खबरहरुका अनुसार यस फिल्मको मुख्य अभिनेत्री करीना कपूर खान हुने बताइएको थियो । तर अहिले सार्वजनिक खबरहरुका अनुसार अभिनेत्री करीना कपूर खानलाई यस फिल्मबाट आउट गरिएको छ ।

साथै करीनालाई अभिनेत्री फातिमा सना शेखले रिप्लेस गर्न सक्ने बताइएको छ । यस खबरले अभिनेत्री करीना कपूर खानलाई झट्का लाग्नसक्ने पनि बताइएको छ ।

फिल्म ‘सेल्यूट’ का निर्माताहरु करीनाको स्थानमा आमिर खानकी रिल लाइफ छोरी फातिमा सना शेखलाई कास्ट गर्न चाहिरहेका छन् । मुख्य अभिनेत्रीको खोजीमा रहेका निर्माताहरु यतिबेला यस फिल्मका लागि फातिमासँग कुराकानी गरिरहेका छन् ।

निर्माता निर्देशकहरुलाई फातिमाले आमिर खानसँगका यसअघिका सुपरहिट फिल्म ‘दंगल’ र आमिरकै अर्को फिल्म ‘ठग्स अफ हिन्दोस्तान’ मा गरेको अभिनयबाट प्रभावित भएका कारण उनलाई यस फिल्ममा कास्ट गर्न चाहिरहेका हुन् ।

सुरुमा फिल्म ‘सेल्यूट’ अभिनेता शाहरुख खानलाई कास्ट गर्नु अघि आमिर खानलाई अफर गरिएको थियो । आमिरले यस फिल्मको काम पनि सुरु गरिसकेका थिए । तर पछि अन्य फिल्मको कामको व्यस्तताका कारण आमिरले यो फिल्म शाहरुखलाई गर्न भनेका थिए ।

केही दिन अघि मात्रै शाहरुख खानले आमिर खानको सहयोगका कारण आफुले राम्रो फिल्ममा काम गर्ने अवसर पाएको भन्दै आमिरलाई धन्यवाद दिएका थिए । यसैकारण अभिनेत्री फातिमा सना शेख यस फिल्ममा मुख्य अभिनेत्रीको रुपमा राख्न आमिरको हात हुन सक्ने बताइएको छ ।

फिल्म ‘सेल्यूट’ को छायांकनको लागि मुम्बईको फिल्म सिटीमा सेट निर्माणको तयारी समेत भइरहेको छ । मुम्बईमा छायांकन सकिएलगत्तै यस फिल्मको छायांकनको बाँकी काम अमेरिकामा हुनेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्