सप्तकोशीमा ट्रक खस्दा दुई जनाको ज्यान गयो

असार ६, २०७५ बुधबार १७:४:१९ | सुमन पुरी

सुनसरी – सप्तकोशी नदीमा मालबाहक ट्रक खस्दा दुई जनाको ज्यान गएको छ ।

पश्चिमबाट पूर्वतर्फ आउँदै गरेको ना ४ ख ३ सय ५६ नम्बर ट्रक कोशी नदीमा खसेको थियो । ट्रक खस्दा चालक सुनसरी चतराका बिनोद बराइली र झुम्काका घनश्याम चौधरीको ज्यान गएको छ ।

गम्भीर घाइते दुवैलाई उपचारका लागि इनरुवा अस्पताल पुर्‍याइएकोमा चिकित्सकले मृत घोषणा गरेका थिए । ट्रक नदीमा खसेलगत्तै कोशी ब्यारेजमा रहेको नेपाल प्रहरी र सशस्त्र प्रहरीको टोली उद्दारमा जुटेको थियो । नदीमा खसेका सबैको बेलैमा उद्दार गरिएको सुनसरीका प्रहरी प्रमुख प्रहरी उपरीक्षक राजन अधिकारीले बताउनुभयो ।

दुर्घटनामा परेका तीन जनाको अवस्था गम्भीर रहेको सुनसरी प्रहरीले जनाएको छ । झापाका सन्तोष अधिकारी, उदयपुरका हरि मगर र बराहक्षेत्रका मणिराज विश्वकर्मालाई थप उपचारकालागि नर्सिङ होम विराटनगर रेफर गरिएको छ ।

घाइतेहरु कृष्ण चौधरी, शुक्रराज लामा, राजकुमार मण्डल र आतिष सिंह प्रधानको इनरुवा अस्पतालमा उपचार भैरहेको सछ । स्काभेटर लोड गरेको ट्रक कोशी ब्यारेज पुलमा रहेको खाल्डाखुल्डीका कारण अनियन्त्रित भै दुर्घटनामा परेको प्रहरीको अनुमान छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन पुरी

उज्यालोका सुनसरी सहकर्मी सुमन पुरी सप्तकोशी एफएम सुनसरीमा पनि काम गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्