माघ महिनामा ‘चेली त्यार’

माघ २८, २०७५ सोमबार ११:२३:५ | विमल बिष्ट

डोटी – सुदूरपश्चिम प्रदेशका विभिन्न जिल्लाहरुमा अहिले ‘चेली त्यार’को चहलपहल छ । माघ महिनाभर आफ्ना छोरी, बहिनी र भान्जीलाई सेल, पुरी दिने चलन छ । यसरी छोरीचेलीको घरमा माइती पुगेर खानेकुरा दिने चलन रहेकाले ‘चेली त्यार’ भन्ने चलन छ ।

सेलरोटीका परिकारहरू पकाएर विवाहित छोरीलाई दिन यहाँका स्थानीय महिलाहरु दिनहुँ छोरीको घरमा धाउन थालेका छन् । माघे संक्रान्तिबाट सुरु हुने यो तिहार माघ महिनाभरी चल्ने गरेको केआईसिंह गाउँपालिका ५ का स्थानीय यज्ञराज जोशी बताउनुहुन्छ ।

माघ महिनाभर सुदूर–पश्चिममा जताततै कोसेली बोकेर छोरी–ज्वाइँको घर गइरहेका आमाहरू भेटिन्छन् । माघे संक्रान्तिमा माइत आउन नपाएका छोरीचेली भेट्न माइतीघरका सदस्यहरु छोरीकै घर पुग्छन् ।

सुदूरपश्चिम प्रदेशका कैलाली, अछाम, बाजुरा, बझाङ र डोटीमा माघ महिनाभर चेलीलाई त्यार दिने चलन छ । तर यहाँका अन्य जिल्लाहरु बैतडी, डडेल्धुरा, दार्चुला र कञ्चनपुरमा भने यो तिहार चैत महिनामा मनाउने गरिएको स्थानीय बुढापाकाहरु बताउँछन् ।

बडीकेदार गाउँपालिका ५ की स्थानीय अम्भादेवी कललेलकी छोरी माघीमा माइत आउन भ्याउनुभएन । छोरीको घरमा जान लाग्नुभएकी अम्भादेवीले भन्नुभयो ‘छोरी ज्वाँइ माघमा माइत आएनन्, त्यही भएर छोरीकै घरमा त्यार दिन जाँदै छु ।’

यहाँ माघ महिनालाई धर्मी महिनाका रुपमा लिने गरिन्छ । यो महिनामा छोरी चेली, ज्वाँइ र नाती नातीनालाई खानेकुरा तथा केही दान दक्षिणा दिए धर्म कमाइन्छ भन्ने विस्वासले गर्दा यहाँका स्थानीयले माघ महिनामा खानेकुरा तथा केही दान दक्षिणा दिने गरेको दिपायलका स्थानीय गोपाल माझीले बताउनु भयो । उहाँले भन्नुभयो, ‘माघ महिनामा दान दक्षिणा दिए धर्म कमाइन्छ भनेर हामी छोरीलाई त्यार दिने गर्छौँ ।’

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्