ज्यान गुमाएका फुटबल खेलाडी हुइयाको परिवारलाई खाडीबाट सहयोग

फागुन ७, २०७५ मंगलबार २०:५२:५२ | गोविन्द शर्मा

बाँके – खाडी राष्ट्रमा काम गर्दै आउनुभएका नेपालीहरुले केही दिन अघि ज्यान गुमाएका एकजना राष्ट्रिय नेपाली फुटबल खेलाडीको परिवारलाई आर्थिक सहयोग गरेका छन् ।

दुर्घटनामा परि ज्यान गुमाएका बाँके खजुरा गाउँपालिका १ राधापुरका पूर्व फुटबल खेलाडी श्याम थापाको परिवारलाई मङगलबार आर्थिक सहयोग गरिएको हाे ।

कतार र दुबईमा रहेका नेपालीहरुले संकलन गरेको एकलाख १६ हजार रुपैयाँ मङ्गलबार खजुरा गाउँपालिका-१ का वडाध्यक्ष सुमन मल्लले स्वर्गीय थापाको परिवारलाई हस्तान्तरण गर्नुभयो ।

हुइयाको नामले परिचित थापाको केही दिनअघि गाउँमै चिप्लिएर लड्दा मेरुदण्डमा चोट लागेको थियो । उपचारको लागि काठमाण्डौ लगिएकाे थापालाई त्यहाँ राम्रोसँग उपचार हुन नसकेपछि बाहिर लाने तयारीमा आफनै घर ल्याइएको थियो ।

घर ल्याइए केही दिनमै उहाँको निधन भएको थापाको पारिवारिक स्रोतले जनाएको छ । थापा दुई दशकअघि बाँके तथा मध्यपश्चिम विकास क्षेत्रबाट राष्ट्रिय प्रतियोगितामा खेल्ने चर्चित खेलाडी हुनुहुन्थ्याे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्