बलियाे सेनेगल भर्सेस लगातार २ खेल जित्ने रेकर्ड बनाउन अातुर जापान

असार १०, २०७५ आइतबार १४:५०:३७ | उज्यालो सहकर्मी

विश्वकपमा दक्षिण अमेरिकी मुलुकलाई हराएर इतिहास कायम गरेको जापान सेनेगलसँग आफ्नो दोस्रो खेलमा जित हात पारेर अर्को इतिहास कायम गर्ने लक्ष्यमा छ ।

पहिलो खेलमा दक्षिण अमेरिकी प्रतिद्वन्द्वी कोलम्बियालाई हराएको जापानले सेनेगललाई हराएमा विश्वकपमा पहिलो दुई खेल जित्ने एसियाली मुलुकको कीर्तिमान कायम गर्नेछ ।

विश्वकपमा अहिलेसम्म कुनै एसियाली मुलुकले लगातार दुई खेल जितेका छैनन् । सेनेगलविरुद्धको जितले जापानले कीर्तिमानमात्र होइन नकआउट चरणमा समेत स्थान बनाउनेछ ।

इकाटेरिन्बर्ग रंगशालामा हुने जापान र कोलम्बियाबीचको खेल नेपाली समय अनुसार पौने नौ बजे हुनेछ । पहिलो खेलमा जित हात पारेका दुवै टिमका लागि आजको तीन अंकले नकआउट चरणको यात्रा सुनिश्चित गराउनेछ ।

पहिलो खेलमा हात पारेको जितका कारण दुवै टिमका समर्थक प्रसन्न छन् भने खेलाडीको मनोबल उच्च भएको छ ।

पोल्याण्डलाई २–१ ले हराउँदा पहिलो अन्तर्राष्ट्रिय गोल गरेका सेनेगलका एम्बाए निआङ इन्ज्युरीका कारण मैदानबाट बाहिरिन बाध्य भए ।

तर उनी जापानविरुद्धको खेलका लागि फिट भइसकेका छन् । ‘समूहमा विश्वास गर्छु । एक जित पर्याप्त छैन, हामीले नकआउट चरणका लागि अझ धेरै मेहनत गर्नु जरुरी छ ।’ निआङले भने ।

‘जापान क्षमतावान टिम हो, हाम्रो तयारीको प्रमुख पाटो अन्तर्गत उसका खेलहरु हामीले अध्ययन गरिरहेका छौं ।’ निआङले भने ।

खेलको तेस्रो मिनेटमै १० खेलाडीमा सिमित बनेको कोलम्बियाविरुद्ध जित हात पारेको जापानलाई सेनेगलसँगको खेल भने त्यति सहज हुनेछैन ।
जापानलाई आजको खेलमा सेनेगलको काउन्टर अट्याक राम्रैसँग झेल्नु पर्नेछ ।

‘उनीहरुको गति र शारिरिक शक्ति अपेक्षाकृत बलियो छ । सबै खेलाडीबीचको तालमेल निकै राम्रो छ ।’ जापानका डिफेन्डर युतो नागातोमोले भने । ‘व्यक्तिगत रुपमा सबै खेलाडी क्षमतावान छन्, तर क्षमतावान खेलाडीवीच कुनै बेला हुन सक्ने तालमेलको अभावको मौका हामी खोज्नेछौं ।’

हेड टू हेड

जापान र सेनेगल अहिलेसम्म अन्तर्राष्ट्रिय फुटबलमा तीन पटक आमने सामने भएका छन् ।

कुनै पनि खेलमा जापानले सेनेगलमाथि जित हात पार्न सकेको छैन । तीन खेलमा दुई खेल सेनेगलले जितेको थियो भने एक गोल बराबरीमा सकिएको थियो ।

यी दुई टिमको अन्तिम खेल सन् २००३ मा भएका थियो । मैत्रिपूर्ण खेलमा सेनेगल १–० ले विजयी भएको थियो ।

म्याच फ्याक्ट्स

–अहिलेसम्म कुनै पनि एसियाली टिमले विश्वकपको पहिलो दुई खेलमा लगातार जित हात पार्न सकेको छैन ।

–सन् २००२ पछि जापानले लगातार दुई खेल जित्न सकेको छैन । आफ्नै भूमिमा भएको त्यो संस्करणमा जापानले दोस्रो र तेस्रो खेलमा क्रमशः रसिया र ट्युनिसियालाई हराएको थियो ।

–पछिल्लो नौ खेलमा सेनेगलले जम्मा पाँच गोलमात्र खाएको छ, जसमा उसले पाँच जित, तीन बराबरी र एक हारको नतिजा निकालेको थियो ।

–सन् २००२ पछि कुनै पनि अफ्रिकी टिमले विश्वकपमा पहिलो दुई खेल जितेको छैन ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्