बलिउड अभिनेता मनोज बाजपेयी पद्मश्री पुरस्कारद्वारा सम्मानित

चैत ३, २०७५ आइतबार १३:२२:२३ | उज्यालो सहकर्मी

भारतको राष्ट्रिय पुरस्कार विजेता बलिउड अभिनेता मनोज बाजपेयीलाई पद्मश्री पुरस्कारबाट सम्मानित गरिएको छ ।

मनोजलाई शनिबार भारतका राष्ट्रपति रामनाथ कोविन्दले पुरस्कार दिएका हुन् । पुरस्कार लिन मनोज बाजपेयी उनकी श्रीमती शबाना बाजपेयीका साथ उपस्थित भएका थिए ।

It was an honour and a privilege sir @rashtrapatibhvn https://t.co/f43Ny309yR
— manoj bajpayee (@BajpayeeManoj) March 16, 2019

मनोज बाजपेयीले सामाजिक सञ्जालमार्फत खुशी व्यक्त गरेका थिए । उनले आफ्नो ट्विटर अकाउन्टमा लेखेका छन्, ‘मेरा आफन्त, साथीभाई र फ्यानहरु यस पुरस्कारका लागि निकै खुशी छन् । यो राम्रो कुरा हो कि अहिलेसम्म सामाजिक सञ्जालमा मेरो कुनै पनि किसिमको आलोचना भएको छैन । र मेरो नाम पद्मश्री पुरस्कार विजेताको रुपमा घोषित भएपछि पनि कुनै विवाद सिर्जना भएन । म वास्तवमै खुशी छु र यो राम्रो कुरा पनि हो कि मलाई सम्मान दिइएकोमा कसैलाई पनि आपत्ति छैन ।’

पद्यश्रीभन्दा अघि मनोज बाजपेयीलाई भारतमा दुई पटकसम्म राष्ट्रिय पुरस्कारले सम्मानित गरिसकिएको छ । तर ६४औंं फिल्म फेयर अवार्ड्स २०१९ को लागि गत मंगलबार मनोनितहरुको घोषणा गएिको थियो ।

उक्त सूचीमा मनोज बाजपेयीको कनै पनि फिल्म परेका छैन । तसर्थ मनोज बाजपेयीले आफ्ना कुनै पनि फिल्म फिल्मफेयरको मनोनयनमा पनि पर्न नसकेपछि आपत्ति जनाएका थिए । गत बुधबार उनले ट्वीटर मार्फत ट्वीट गर्दै आपत्ति जनाएका थिए ।

उनले लेखेका छन्, ‘अब त बानी नै भइसकेको छ कि मेरो फिल्महरुलाई राष्ट्रिय र अन्र्तराष्ट्रिय रुपमा सराहना गरिन्छ । तर त्यही फिल्मलाई तथा कथित मुख्यधारका पुरस्कारको लिष्टमा एउटा नाम पनि दिइँदैन, पुरस्कारको त कुरै छाडौं । शोषण अहिले पनि जारी नै छ ।’

So used to the fact that all the films of mine which are highly acclaimed nationally and internationally don’t even get a place in the nominations list of so called big mainstream awards here forget about winning.creative pursuit and exploitation continue....! @GaliGuleiyan pic.twitter.com/9JfJDn3tBI
— manoj bajpayee (@BajpayeeManoj) March 13, 2019

मनोज बाजपेयीको फिल्म ‘गली गुलियां’ लाई बुसान इन्टरनेशनल फिल्म फेस्टिभल, मायामी फिल्म फेष्टिभल, इण्डियन फिल्म फेस्टिभल अफ लस एजलस, एटलान्टा फिल्म फेस्टिभल, ४२औं फिल्म फेस्टिभल अफ मेलबर्नमा देखाइएको थियो ।

यस फिल्मले धेरै प्रशंशा तथा बटुल्न सफल भएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्