नाबालिका बलात्कारकाे आराेप पुष्टि भएपछि २५ वर्ष कैद फैसला

चैत ६, २०७५ बुधबार १८:३७:७ | राजु लामिछाने

रुकुम पूर्व - नाबालिका बलात्कार अभियोगमा पक्राउ परेका एक व्यक्तिलाई रुकुमकोट जिल्ला अदालतले २५ वर्ष कैद फैसला गरेको छ ।

साढे तीन वर्षीया नाबालिका बलात्कार अभियोगमा पक्राउ परेका सिस्ने गाउँपालिका-५, का ३० वर्षीय मदन भनिने भरत गौतमलाई २५ वर्ष कैद फैसला गरिएको हो ।

जिल्ला न्यायाधीश दुर्गाबहादुर भुसालको इजालसले १९ वर्ष कसूरबापत र ६ वर्ष थप गरी २५ वर्ष कैद फैसला गरेको अदालतका श्रेष्तेदार सुशीलकुमार यादवले बताउनुभयो ।

नाबालिका बलात्कार गरेको कसूरमा १९ र दोहोर्‍याएर अपराध गरेका कारण थप ६ वर्ष गरी २५ वर्ष कैदको फैसला भएको यादवले जनाउनु भयो ।

मंगलबारको इजलासले पीडित बालिकालाई क्षतिपूर्तिवापत एक लाख रुपैयाँ पनि प्रतिवादी गौतमले तिर्नुपर्ने गरी फैसला गरेको छ । गौतमले यसअघि पनि त्यसै प्रकृतिको मुद्दामा दोषी करार भइ साढे ४ वर्षको कैद भुक्तान गरेका थिए ।

गौतम गएकाे माघ २१ गते नाबालिकालाई जबरजस्ती गर्ने क्रममा रंगेहात पक्राउ परेका थिए । घरमा कोही नभएको मौकामा नाबालिकालाई जबरजस्ती गर्ने क्रममा स्थानीयले फेला पारेर प्रहरीलाई खबर गरेका थिए । उनी कैद भुक्तान गरी कारागारबाट रिहा भएको एक महिनामै बालिका बलात्कारको अरोपमा पुनः पक्राउ परेका थिए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्