ईपीएस कोरियन भाषा परीक्षा शुल्क ‘आइएमई पे’ मार्फत भुक्तानी गर्न सकिने

चैत ७, २०७५ बिहीबार २०:९:२५ | उज्यालो सहकर्मी

काठमाण्डाै - वैदेशिक रोजगारीका लागि कोरिया जान इच्छुक नेपाली नागरिकले भाषा परीक्षाको आवेदन शुल्क ‘ आइएमई पे’ मार्फत भुक्तानी गर्न सक्ने भएका छन् ।

चैत ८ गतेदेखि १७ गतेसम्म ‘आईएमई पे’ का देशभरका सम्पूर्ण एजेन्ट पार्टनरका अतिरिक्त स्मार्ट फोनमा आफैंले ‘आईएमई पे’ एप्लिकेशन डाउनलोड गरेर सिधै इपीएस कोरिया टोपिक परीक्षा शुल्क भुक्तानी गर्न सकिने आईएमईले जनाएकाे छ । साथै ‘आईएमई पे’ का सम्पूर्ण एजेण्ट पार्टनरहरूले सेवाग्राहीहरूको फारम भर्ने काममा सहजीकरण गर्ने पनि बताइएकाे छ ।

‘आईएमई पे’ मार्फत परीक्षा शुल्क भुक्तानीका लागि परीक्षार्थीहरूको पूरा नाम, पासपोर्ट र मोबाइल नम्बर स्पष्टसँग उल्लेख गर्नुपर्नेछ । परीक्षा शुल्क चौबिस (२४) अमेरिकन डलर बराबरकाे रकम भुक्तानी गर्नुपर्नेछ र नेपाली रकम सम्बन्धित दिनका लागि निर्धारण गरेको विनिमय दरका आधारमा निर्क्याेल हुनेछ ।

परीक्षा शुल्क भुक्तानी सफल भएपछि परीक्षार्थीहरूले टिपाएका मोबाइल नम्बरमा एसएमएस मार्फत भौचर नम्बर प्राप्त हुनेछ । प्राप्त भएकाे भौचर नम्बर परीक्षा फारम भर्ने बेलामा प्रयोग गर्नुपर्नेछ । परीक्षा शुल्क भुक्तानी प्रकृया पूरा भइसकेपछि परीक्षा फारम भर्नका लागि https://eoers.epsnepal.gov.np/ साइटमा जानुपर्नेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्