आगलागीमा दुई बालिकासहित तीन जनाको ज्यान गयाे

 चैत ९, २०७५ शनिबार २०:१२:५१ | आशिष विश्वकर्मा

सिरहा - सिरहाका छुट्टाछुट्टै ठाउँमा आगलागी हुँदा दुई बालिका र एक महिलासहित तीन जनाको ज्यान गएकोे छ ।

शनिबार अपराह्न धनगढीमाई नगरपालिका-१४, अमिलटारमा दीपक धमलाको गोठमा आगलागी हुँदा दुई बालिकाको मृत्यु भएको हो । 
आगलागीमा परेर दिपक धमलाकी ६ वर्षीया छोरी दीक्षा र नित्यराज पोखरेलकी ७ वर्षीया छोरी ऋतु पोखरेलको जलेर ज्यान गएको इलाका प्रहरी कार्यालय लहानले जनाएको छ । 

गाईगोठमा जम्मा भएको पतकरहरुमा केटाकेटीले सलाई कोरेर आगो लगाएको हुनसक्ने स्थानीयले बताएका छन् । प्रहरीले भने आगलागीको कारण अझै नखुलेको जनाएको छ ।

स्थानीय र प्रहरीको सहयोगमा डेढ घण्टापछि आगो नियन्त्रणमा लिइएको इलाका प्रहरी कार्यालय लहानले जनाएकाे छ ।

त्यसैगरी, कल्याणपुर नगरपालिका-७, भेडियो पूर्वारी टोलमा खाना पकाउने क्रममा आगलागी हुँदा ५० वर्षीया बनारसी देवी सदायको मृत्यु भएको छ ।

प्रहरीका अनुसार शुक्रबार राति बनारसीले पराल बालेर खाना पकाउँदै गर्दा कपडामा सल्केर आगलागी भएको थियो । घाइते अवस्थामा उनलाई कर्जन्हामा रहेकाे फुलकुमारी मेमोरियल अस्पतालमा पुर्‍याइएकोमा शनिबार बिहान ४ बजे मृत्यु भएको थियाे । आगलागीबाट उनको घरसमेत जलेको छ भने आगलागीको यकीन विवरण अझै आइनसकेको प्रहरीले जनाएको छ । 
 

अन्तिम अपडेट: कात्तिक २७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

आशिष विश्वकर्मा

आशिष विश्वकर्मा सिरहाका उज्यालो सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

यूएईलाई हराउँदै नेपाल १९ वर्षमुनिको महिला टी–२० विश्वकपमा छनोट

२

रास्वपामा उम्मेदवारी दर्ता पत्रमा हस्ताक्षर गर्ने अधिकार कार्यवाहक महामन्त्री बुर्लाकोटीलाई

३

सहकारीको रकम अपचलन प्रकरण : रास्वपा सभापति लामिछानेको बयान आज पनि रुपन्देहीमा

४

सुरुङमार्गको कामका लागि भोलिदेखि सिस्ने खोला क्षेत्रको सडकमा केही अवरोध हुने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई