‘कलंक’ को रेकर्ड ब्रेक ओपनिङ, 'केसरी' र 'गली ब्वाय' लाई पछि पार्‍याे

वैशाख ५, २०७६ बिहीबार १३:१९:५३ | उज्यालो सहकर्मी

बलिउड अभिनेता वरुण धवन र आलिया भट्ट अभिनित फिल्म कलंक यही अप्रिल १७ मा रिलिज भइसकेको छ । फिल्म रिलिज भएसँगै फिल्म समीक्षकहरुले मिश्रित समीक्षा दिएका थिए भने दर्शकले समेत खासै मन नपरेको प्रतिक्रिया दिएका थिए ।

फिल्म हेर्ने दर्शकको सामाजिक सञ्जालमा प्रतिक्रिया हेर्दा फिल्मले दर्शकहरुलाई निराश पारेको हुनसक्ने लागे पनि फिल्मको बक्स अफिस कलेक्शनले भने कीर्तिमान कायम गरेको छ । फिल्म ‘कलंक’ सन् २०१९ मा पहिलो दिनमा सबैभन्दा धेरै कमाइ गर्ने फिल्महरु मध्ये पहिलो स्थानमा पुगेको छ । यससँगै अभिनेता वरुण धवन र आलिया भट्टको फिल्मी करियरकै सर्वाधिक ओपनिङ गर्ने फिल्म बनेको छ ।

Top *Opening Day* biz - 2019...
1. #Kalank ₹ 21.60 cr [Wed]
2. #Kesari ₹ 21.06 cr [Thu]
3. #GullyBoy ₹ 19.40 cr [Thu]
4. #TotalDhamaal ₹ 16.50 cr
Note: Hindi films. ₹ 10 cr+ openers included in the list.
India biz.#Kalank is the biggest opener of Varun and Alia to date.
— taran adarsh (@taran_adarsh) April 18, 2019

करण जोहर, साजिद नाडियाडवाला र फक्स स्टार स्टुडियो जस्ता स्थापित फिल्म निर्माताहरुले बनाएको फिल्म ‘कलंक’ ले पहिलो दिनमा २१.६० करोड भारु कमाइ गरेको छ । यससँगै फिल्म ‘कलंक’ ले अक्षय कुमारको ‘केसरी’ र रणवीर सिंहको ‘गली ब्वाय’ लाई पछि पारिदिएको छ । होलीको अवसरमा रिलिज गरिएको फिल्म ‘केसरी’ ले पहिलो दिनमा २१.०६ करोड भारु कमाएको थियो भने ‘गली ब्वाय’ ले १९.४० करोड भारु कमाएको थियो ।

फिल्म ‘कलंक’ सन् १९४० को कथामा निर्माण गरिएको एपिक ड्रामामा त्यस समयको भारतको लाहोरको हिरामण्डीको कहानी रहेको छ । फिल्ममा वरुण धवन लोहारको भूमिकामा छन् भने उनी विवाहित आलियासँग प्रेम गर्न थाल्छन् । आलिया भट्ट आदित्य रोय कपूरकी पत्नी हुन् भने सञ्जय दत्तकी बुहारी बनेकी छिन् ।

अभिनेत्री माधुरी दीक्षित बहार बेगमको भूमिकामा छिन्, जो कुनै समयमा सञ्जय दत्तसँग प्रेम रहेको कहानी देखाइएको छ ।

भारतीय फिल्म समीक्षकहरुका अनुसार, यो फिल्मले आगामी दिनमा पनि अझै राम्रो व्यापार गर्ने कुरा बताइरहेका छन् ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्