आलोक नाथलाई साथ दिएको भन्दै तनुश्री दत्ताले अजय देवगनलाई ‘पाखण्डी’ भनेपछि...

वैशाख ५, २०७६ बिहीबार २०:५०:४३ | उज्यालो सहकर्मी

केही समय अघि मी टू अभियान अन्तर्गत बलात्कार तथा यौन शोषणको आरोप लागेका बलीउड कलाकार आलोक नाथ अजय देवगनको फिल्म ‘दे दे प्यार दे’ मार्फत बलिउड फिल्ममा फर्किएका छन् ।

यसै कारण तनुश्री दत्ताले फिल्म ‘दे दे प्यार दे’ का मुख्य अभिनेता अजय देवगन र निर्माताहरुमाथि आलोक नाथलाई काम दिएको भन्दै आक्रोश पोखेकी छिन् । तनुश्रीले अजयमाथि आक्रोश पोख्दै एक बयानमा भनिन्, ‘हिन्दी सिनेमा पाखण्डीहरुले भरिभराउ छ । यहाँ झुठा र देखावटी गर्ने मानिसहरु छन् ।’

तनुश्रीले अगाडि भनिन्, ‘यदी आलोक नाथसँगका फिल्मका केही दृश्य शुट भइसकेका थिए भने बलात्कार र यौन शोषणको आरोप लागिसकेपछि उनलाई फिल्मबाट निकालेर कोही अरुबाट शुट गर्न सकिन्थ्यो । तर उनीहरुले यस्तो गरेनन् । आरोप लागिसकेपछि पनि आलोक नाथलाई फिल्मबाट निकालिएन । अजय देवगनले आरोपितलाई बलिउडमा फर्कन मद्दत गरेका छन् । यस फिल्मको पोस्टर र ट्रेलर आउनुभन्दा अघिसम्म आलोक नाथ पनि यस फिल्ममा छन् भन्ने कसैलाई थाहा थिएन । यद अजय र फिल्म निर्माताहरुले चाहन्थे भने उनीहरु आलोक नाथलाई सजिलैसँग फिल्मबाट बाहिर निकाल्न सक्थे । तर उनले यस्तो गरेनन् ।’

केही समय पहिले अजयले मीटू अभियानलाई समर्थन गर्दै ट्वीटर मार्फत पीडितहरुको पक्षमा रहने कुरा गरेका थिए । तर अहिले अजय देवगनकै फिल्ममा आलोक नाथलाई देखेपछि सामाजिक संजाल प्रयागकर्ताहरुले अजयलाई ट्रोल गरेका थिए । त्यसको जवाफमा अजयले भने ‘जब सम्म आरोपितविरुद्ध कुनै पनि प्रमाण भेटिँदैन तबसम्म उनलाई अपराधी मान्न सकिन्न ।’ भनेका यसैकारण तनुश्रीले उनलाई झुटाे भनेकी हुन् ।

गत वर्ष अक्टाेबरमा भारतीय लेखिका तथा फिल्म निर्मात्री विनता नन्दाले मीटू अभियान अन्तर्गत आलोक नाथमाथि बलात्कारको आरोप लगाएकी थिइन् ।

विनताको आरोपपछि मिडिया तथा सामाजिक सञ्जालमा याे कुराले निकै तहल्का मच्चाएको थियो । त्यसपछि विनताले आलोक नाथविरुद्ध प्रहरीमा उजुरी पनि गरिन् । त्याे केस अझै अदालतमा छ ।

विनताको यस आरोपपछि हिमानी शिवपुरी, दीपिका अमीन, संध्या मृदुलालगायतका अभिनेत्रीहरुले समेत आलोकनाथले आफूहरुको यौन शोषण गरेको आरोप लगाएका थिए ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्