स्मार्ट कार्डबाट ‘सेनेटरी प्याड’ !

जेठ १, २०७६ बुधबार १९:१२:४७ | तपेन्द्र बिष्ट

डडेल्धुरा – डडेल्धुरामा पहिलो पटक स्मार्ट कार्डबाट ‘सेनेटरी प्याड’ निकाल्ने मेसिन सञ्चालनमा आएको छ ।

डडेल्धुराको भागेश्वर गाउँपालिकाले जिल्लामै पहिलो पटक स्मार्ट कार्ड प्रयोग गरी ‘सेनेटरी प्याड’ निकाल्ने मेसिन सञ्चालनमा ल्याएको गाउँपालिकाले जनाएको छ ।

‘वडा नम्बर ४ मा रहेको सरस्वती माध्यमिक विद्यालय बगरकोटमा अहिले १ सय १० वटा स्मार्ट कार्ड वितरण गरेका छौं’, गाउँपालिकी अध्यक्ष कौशीला भट्टले भन्नुभयो, ‘छात्राहरुले चाहिएको बेला स्मार्ट कार्डको प्रयोग गरेर मेसिनबाट प्याड निकाल्न सक्नेछन् ।’

सेनेटरी प्याड मेसिन राखिएको स्थान पनि सुरक्षित भएको उहाँले बताउनुभयो । ‘किशोरीहरुलाई सुरक्षित महसुस हुने स्थानमा सेनेटरी प्याड मेसिन राखिएको छ’, उहाँले भन्नुभयो ।

महिनावारीका कारण छात्राहरु दुई-तीन दिनसम्म विद्यालय नजाने तथा गए पनि सेनेटरी प्याड प्रयोग गर्न नपाउने र कक्षा छाडेर बाहिर निस्कनुपर्ने बाध्यता अब अन्त्य हुने विद्यालयकी शिक्षिका भुवनेश्वरी शाहीले बताउनु भयो ।

ग्रामीण जलश्रोत व्यवस्थापन परियोजनाको सहयोगमा छात्राहरुको महिनावारी स्वच्छता व्यवस्थापनका लागि स्वचालित सेनेटरी प्याड मेसिन सञ्चालनमा ल्याइएको गाउँपालिकाले जानकारी दिएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपेन्द्र बिष्ट

डढेलधुराका उज्यालो सहकर्मी तपेन्द्र विष्ट रेडियो अमरगढीमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्