सप्तरीमा वैदेशिक रोजगार पीडितका लागि आकस्मिक कोष स्थापना गरिने

जेठ ९, २०७६ बिहीबार १०:५३:११

सप्तरी – सप्तरीमा वैदेशिक रोजगारीका कारण जटिल समस्यामा परेका पीडित तथा आश्रित परिवारलाई सहयोग गर्न आकस्मिक कोष स्थापना गरिने भएको छ ।

अन्तरपालिका समन्वय बैठकले आर्थिक रुपमा विपन्न व्यक्ति रोजगारीका लागि विदेश जाने गरेको तर विभिन्न कारणले समस्या पर्दा घर फर्कन नसक्ने, श्रम अवधि कटेका आश्रित परिवारले आर्थिक सहायता तथा क्षतिपूर्ति नपाउने र पीडित परिवारका बालबालिकाको शैक्षिक विकासमा सहयोग गर्न आकस्मिक कोष स्थापना निर्णय गरेको हो ।

बैठकले जिल्लाका सबै स्थानीय सरकारले संयुक्त रुपमा आकस्मिक कोष निर्देशिका बनाएर पहिलो चरणमा प्रत्येक स्थानीय तहले १ लाख रुपैयाँका दरले जम्मा गरेर स्थापना गर्ने निष्कर्ष निकालेको हो ।

यस्तै स्थानीय सरकारले वैदेशिक रोजगारीमा जाने, अनुभव लिएर फर्किएका र तिनका परिवारका सदस्यलाई लक्षित गरी सीप विकासका कार्यक्रम सञ्चालन गर्ने र वैदेशिक रोजगारीबाट भित्रिएको रकमलाई उत्पादनमूलक क्षेत्रमा प्रयोग गर्न प्रेरित गर्नुपर्नेमा पनि बैठकले जोड दिएको छ ।

जिल्ला समन्वय समिति सप्तरीका प्रमुख प्रभाकर यादवको अध्यक्षतामा भएको बैठकमा स्थानीय तहका प्रमुख तथा प्रमुख प्रशासकीय अधिकृत, प्रमुख जिल्ला अधिकारी, प्रहरी प्रमुख, गैर सरकारी संस्था महासंघ तथा सप्तरी सामुदायिक विकास केन्द्र नेपाल र सामी हेल्भेटास नेपालका प्रतिनिधिसहितको उपस्थिती थियो ।

सप्तरीबाट वैदेशिक रोजगारीमा जाने युवाले दलाललाई विश्वास गर्ने, सूचना नलिई जाने गरेक कारण धेरै ठगीमा पर्ने गरेको पाइएको छ । वैदेशिक रोजगारका धेरै सकारात्मक पक्षहरु हुँदा हुँदै पनि सीप नसिकी जाँदा ठगिने समस्या बढेको कार्यक्रमका सहभागीले बताएका थिए ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्