आजाद भिसामा बोलाउँछु भन्दै कतारबाटै ठगी

जेठ १६, २०७६ बिहीबार १३:१४:१९

रमा मगर, उदयपुर ।

उदयपुर – संखुवासभाका बलबहादुर बिक आजाद भिसामा कतार ल्याउँछु भन्दै उदयपुरका तीन जना युवासँग २ लाख ५० हजार रुपैयाँ लिएर बेपत्ता छन् ।

ऐजेण्ट बलबहादुर बिक

कतारमा रहेका बिकले उदयपुर त्रियुगा नगरपालिका–५ का तुलाराम दाहाल, रामबहादुर विष्ट र रमेश बस्नेतसँग आफूले काम गरिरहेको र काम लगाइदिन सक्ने भन्दै पैसा लिएर बेपत्ता भएका हुन् । कतारमा रहेका बलबहादुरले पैसा भने जनकपुर ठेगाना भएका दिपनारायण चौधरीको नाममा पठाउन लगाएका थिए ।

तीनै जनाले २०७५ माघ २० गते चौधरीको नाममा पैसा पठाए पनि बलबहादुरले विदेश पठाउने प्रक्रिया गरेनन् । बेपत्ता भए ।

पैसा विदेश जानका लागि पठाए पनि मनि ट्रान्सफरबाट पठाएको भौचरमा भने पारिवारिक लेनदेन लेख्न लगाइएको छ । ‘बालबहादुरले हामीलाई त्यसै भनेको थियो, उसले साँच्चै हो जस्तो कुरा गर्‍यो, पछि पो थाहा भयो त उसले ठगी धन्दा चलाउँदोरहेछ भनेर,’ तुलाराम भन्नुहुन्छ ।

दिपनारायणको नाममा पैसा हालिदिए पनि उनी को हुन भन्ने तीनै जनालाई थाहा छैन । तर बलबहादुरले नै पैसा उसको नाममा हालिदिन भनेकाले तीनै जनाले बलबहादुरलाई खोजिरहेका छन् ।

उनीहरुले जिल्ला प्रसाशन कार्यलय उदयपुरमा रहेको सुरक्षित आप्रवासन सूचना तथा परामर्श केन्द्रमा निवेदन दिएका छन् । तर बलबहादुरको घरको पूरा ठेगाना पनि थाहा नभएकाले एजेन्टलाई खोज्न समस्या भइरहेको छ ।

सुनसरीको इटहरीमा अस्थाइ बसोबास गर्ने भनिएकाले सूचना केन्द्रले सुनसरीमा रहेको सूचना केन्द्रमा जान सुझाव दिइएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्