नवलपरासीको बौदीकालीमा पहिलो पटक बिजुली

असार २५, २०७६ बुधबार ८:९:१४ | दयाराम आचार्य

नवलपरासी – राष्ट्रिय प्रशारणको विद्युत नपुगेको नवलपुरासीको बौदीकाली गाउँपालिकामा विद्युत लाइनको सफल परीक्षण गरिएको छ । तनहुँको घिरिङ गाउँपालिका हुँदै नवलपुरको बौदीकालीमा पहिलो पटक विद्युत लाइन विस्तार गरिएको हो ।

घिरिङको फुलाबाट बौदीकालीको मदार हुँदै डेढगाउँमा विद्युत विस्तार गरिएको छ । घिरिङबाट तार टाँगेर डेढगाउँमा ५० र १०० केभीएका दुई वटा ट्रान्सफर्मर जडान गरी विद्युत परीक्षण गरिएकोमा सफल भएको बौदीकाली गाउँपालिका –२, का वडाध्यक्ष बालप्रसाद ठाडाले बताउनुभयो ।

बुङ्दीकाली सामुदायिक विद्युतीकरण सहकारी संस्थाको पहलमा नेपाल सरकारको लागतमा बौदीकालीको डेढगाउँ, मिथुकरम र रकुवामा विद्युत विस्तार गरिएको छ । विद्युत विस्तारको जिम्मा पाएको रेणु कन्सट्रक्सनले डेढ वर्ष लगाएर विद्युतको पोल गाड्ने, तार टाङ्ने र ट्रान्सर्फमर जडानको काम सम्पन्न गरेको हो ।

विद्युतको परीक्षण सफल भएकोले अब छिट्टै सर्वसाधारणलाई मिटर वितरण गरेर विद्युत वितरण गरिने बुङ्दीकाली सामुदायिक विद्युतीकरण सहकारी संस्थाका अध्यक्ष पदमबहादुर विश्वकर्माले बताउनुभयो ।

विद्युत नपुगेको यस क्षेत्रमा पहिलो पटक विद्युत पुगेपछि स्थानीय खुशी भएका छन् ।

नवलपुरासीकोको बौदीकाली गाउँपालिकामा पहिलो पटक विद्युत पुग्न लागेको भए पनि यहाँको बुलिङटार गाउँपालिकामा विद्युत अझै पुगेको छैन । विुद्युत विस्तारका लागि बोझा पोखरीमा करिब चार वर्ष अघि सब स्टेशन निर्माण कार्य थालिएको भए पनि यसले पूर्णता पाउन सकेको छैन । वर्षौँ बितिसक्दा पनि ठेकेदारको लापरवाहीले सब स्टेशन निर्माणको कार्य १० प्रतिशत पनि हुन सकेको छैन ।

भारतीय ए टु जेड इन्स्रा इन्जिनियरिङ कम्पनीमार्फत सब कन्ट्याक्टर त्रिपुरेश्वर र जय दुर्गे इन्जिनियरिङले सब स्टेशन बनाउने जिम्मा लिएका थिए । निर्माणको जिम्मा लिएका कम्पनीले काम नगर्दा सब स्टेशन निर्माणको काम अलपत्र परेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्