नारायण नगरपालिका कार्यालयमा छड्के गर्दा झण्डै आधा कर्मचारी गयल

असार २९, २०७६ आइतबार १९:८:२ | अमर सुनार

दैलेख – जिल्ला सदरमुकाममा रहेको नारायण नगरपालिका कार्यालयको आकस्मिक हाजिरी छड्केमा आधा जति कर्मचारी गयल परेका छन् ।

जिल्ला प्रशासन कार्यालयले आइतबार गरेको छड्केमा ३ जना छैटौँ तहका अधिकृत र ८ जना कार्यालय सहयोगीहरुसमेत २९ जना गयल भेटिएको दैलेखका प्रमुख जिल्ला अधिकारी लक्ष्मीप्रसाद बासकोटाले जानकारी दिनुभयो ।

जम्मा ६६ जना कर्मचारी रहेको एउटै कार्यालयमा आर्थिक वर्षको अन्तिम समयमा झण्डै आधा कर्मचारी गयल भेटिनुलाई आश्चर्यको रुपमा लिइएको छ ।
कर्मचारी हाजिरी रजिष्टरमा बिदा पनि नदेखाइ बस्ता अनुगमनको काज देखाउन सकिने लोभमा कर्मचारीले हाजिरी नगरी बसेका सेवाग्राहीकाे बुझाइ छ । २३ वर्ष अघि स्थापना भएको जिल्लाको पहिलो नगरपालिकामा छड्के हाजिरीमा यति धेरै कर्मचारी गयल भेटिनुले राजनीतिक प्रभावमा जागिर खाएका कर्मचारीहरु रहेकाे भन्ने जनगुनासोलाई पुष्टि गरेको छ ।

बिनासूचना कार्यालयमा गयल कर्मचारीको नामावलीसहित लिखित स्पष्टीकरण लिन नगरपालिकाका प्रमुख कार्यकारी अधिकृत रेशम बुढालाई पत्र पठाइएको प्रमुख जिल्ला अधिकारी बासकोटाले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्