युरोप पठाइदिन्छु भन्दै ५१ लाख बढी ठगी गर्ने एकजना पक्राउ

साउन १, २०७६ बुधबार १९:८:५ | उज्यालो सहकर्मी

काठमाण्डाै – युराेप पठाइदिने भन्दै ठगी गर्ने एकजनालाई प्रहरीले पक्राउ गरेकाे छ । पक्राउ पर्नेमा चितवन रत्ननगर नगरपालिका वडा नम्बर ४ देवौली घर भइ हाल काठमाण्डाैकाे धापासी बस्ने ३१ वर्षीय नवीनकुमार चौधरी रहेका छन् ।

उनले वैदेशिक रोजगारीकाे लागि युरोपमा वर्किङ भिषामा आकर्षक तलब हुन्छ भन्ने जस्ता विभिन्न प्रलोभन देखाइ ठग्ने गरेकाे पाइएकाे छ ।

उनीमाथि पटक-पटक गरी ५१ लाख ५० हजार रुपैयाँ ठगी गरेकाे आराेप छ । काठमाण्डौ हुँदै भारतसम्म पुर्‍याएर अलपत्र पारी रकम ठगी गरी सम्पर्कविहीन भएकाे भन्दै उनीविरुद्ध वसन्त के.सी समेतका व्यक्तिहरुले महानगरीय अपराध महाशाखामा गएकाे जेठ २८ गते संयुक्त जाहेरी दिएका थिए ।

महाशाखाबाट खटिएको सादा पोशाकको प्रहरी टोलीले उनलाई असार ३१ गते टाेखा नगरपालिका वडा नं. ६ काे ग्राण्डी अस्पतालबाट पक्राउ गरेकाे थियाे ।

अहिले उनलाई थप अनुसन्धान तथा कारबाहीको लागि महानगरीय प्रहरी परिसर काठमाण्डौमा पठाइएको छ । मुलुकी ऐनमा ठगीकाे महलअनुसार झुक्याइ, विश्वासमा पारी ठगी गरेमा कसुरकाे मात्रा हेरी बिगाे भराइ बिगाे बमाेजिमकाे जरिवाना र पाँच वर्षसम्म कैद हुने प्रावधान छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्