रक्सी पिएर एम्बुलेन्स चलाउने दुई चालक पक्राउ

साउन १९, २०७६ आइतबार २०:२५:४९ | सुमन तिमल्सिना

माेरङ - रक्सी पिएर एम्बुलेन्स चलाउने दुई चालकलाई शनिबार राति प्रहरीले विराटनगरबाट पक्राउ गरेको छ ।

अस्पतालमा बिरामी पुर्याएर फर्कँदै गरेका एम्बुलेन्सका २ चालकलाई विराटनगर कञ्चनबारी चोकबाट पक्राउ गरिएको हो । बिरामी नभएको एम्बुलेन्स चर्को स्वरमा साइरन बजाउँदै र जथाभावी चलाउँदै गरेको अवस्थामा मापसे चेक गर्ने क्रममा पक्राउ गरिएको प्रहरीले जनाएको छ ।

पक्राउ पर्नेमा विराटनगर ५ बस्ने २७ वर्षीय मुकेश चौहान र मोरङको सुनवर्सी नगरपालिका-६ बस्ने ३५ वर्षीय पूर्ण तामाङ रहेका छन् । तामाङले विप्लप थापा गोदार स्मृति प्रतिष्ठान नेपालको को २ च३१२१ नम्बरको एम्बुलेन्स चलाएका थिए भने चौहानले को १ च ४०७१ नम्बरको एम्बुलेन्स चलाएको जिल्ला प्रहरी कार्यालय मोरङका डीएसपी राजकुमार खिउजुले जानकारी दिनुभयाे ।

पक्राउ परेका दुवैजना जिल्ला प्रहरी कार्यालयको नियन्त्रणमा रहेको र दुवैलाई अभद्र व्यवहारसम्बन्धी मुद्धा चलाइने डीएसपी खिउजुले बताउनुभयाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्