बझाङमा महिलाको गहना लुटपाट गरी हत्या प्रयास गर्ने दुई जना पक्राउ

साउन २१, २०७६ मंगलबार १८:८:० | डीबी बिष्ट

बझाङ - महिलाको गहना लुटपाट गरी हत्याकाे प्रयास गर्ने दुई जनालाइ प्रहरीले पक्राउ गरेको छ ।

सोमबार बेलुका थलारा गाँउपालिका-५, हाट घर भएकी २२ वर्षीया विमला ओलीकाे गहना लुटपाट गरी हत्याकाे प्रयास गर्ने थलारा गाँउपालिका-६ का प्रेम कठायत र सौरभ चौहानलाई प्रक्राउ गर्न सफल भएको प्रहरी नायब उपरिक्षक सुर्य बहादुर केसीले बताउनु्भयाे । घटनामा संग्लग्न प्रेम कठायतलाई सोमबार बेलुका नै प्रहरिले पक्राउ गर्न सफल रहे पनि सोही घटनामा संग्लग्न रहेका सौरभ चौहान भने फरार रहेका थिए ।

फरार रहेका उनलाई प्रहरीले मंगलबार बेलुका बिथ्थडचिर गाँउपालिकाबाट प्रक्राउ गरेको डीएसपी केसीले बताउनुभयाे ।

आराेपित दुवै जना मिलेर सोमबार बेलुका साढे पाँच बजे पीडित विमला ओलीले कानमा लगाएका गरगहना लुटपाट गरी उनलाई उनकाे हत्याकाे प्रयास गरेकाे बताइएकाे छ । सोमबार बेलुका केदास्युँ गाँउपालिका वडा नम्बर-९, झोता माइती भएकी ओली आफ्नाे घर आउने क्रममा थलारा गाँउपालिका-३, शिलाकोटमा दुई जना मिलेर गहना लुटपाट गर्नुका साथै मोबाइल समेत लिएको जिल्ला प्रहरी कार्यालयले जनाएको छ ।

लुटपाटपछि दुवै जनाले उनको घाँटीमा टिनको पाता तथा रेडबुलको क्यानले रेटेर मार्ने प्रयास गरेकाे र उनको अवस्था गम्भीर रहेको प्रहरी निरीक्षक ईश्वरी दत्त पाण्डेले बताउनुभयाे ।

उनीहरुले दिदीलाई पुर्याउन आएकी विमला ओलीकी १३ वर्षीया बहिनी सुलोचना ओलीलाई समेत हातपात गरेका थिए । पीडित विमलाकाे टाउको तथा आँखामा चोट लागेको छ ।

घटनाबारे थप अनुसन्धान भैरहेको प्रहरीले जनाएको छ । घाइते दुवैलाई उपचारका नेपालगञ्ज रिफर गरिएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्