'नेकपाका शीर्ष नेताहरुकाे संवाद र तिक्तताले सबै राजनीतिक दलका कार्यकर्ताकाे शिर निहुरियाे'

भदौ ८, २०७६ आइतबार १६:५१:४७ | उज्यालो सहकर्मी

काठमाण्डौ – राष्ट्रिय सभा बैठकमा नेपाली कांग्रेसले नेपाल कम्युनिष्ट पार्टीभित्रको आन्तरिक कलहमा दुःख व्यक्त गरेको छ ।

बैठकमा नेपाली कांग्रेसका सांसद रमेशजंग रायमाझीले मुलुकमा लोकतान्त्रिक गणतन्त्र संस्थागत गर्न सबै दलहरु मिलेर काम गर्नुपर्ने बेला नेपाल कम्युनिष्ट पार्टीभित्र भने दुई शीर्ष नेताहरुबीच भएको संवाद र तिक्तताले सबै राजनीतिक दलका कार्यकर्ताको शिर निहुरिएको बताउनु भयो ।

यस्तो किसिमको व्यवहार र संवादको शैलीले राजनैतिक संस्कृति नै बदनाम हुने भन्दै उहाँले चिन्ता व्यक्त गर्नुभयो । देशको आवश्यकता अनुसार दलहरुबीच कार्यगत एकता हुनुपर्ने अवस्थामा एउटै दलभित्रको किचलोले समृद्धितर्फ बढ्न बाधा पुग्ने धारणा राख्नुभयो ।

फरक प्रसंगमा नेपाल कम्युनिष्ट पार्टीका सांसद बलराम बाँस्कोटाले पारस शाहले अन्तर्राष्ट्रिय विमानस्थलमा प्रहरीमाथि गरेको दुर्व्यवहारमा किन कारबाही नगरेको भन्दै सरकारसँग प्रश्न गर्नुभयो । यस्तै सांसद बाँस्कोटाले देशमा अवाञ्छित गतिविधिहरु बढ्ने, विभिन्न बहानामा कानुन हातमा लिने र ‘सरकार र संविधानको बर्खिलाप हुनेगरी गतिविधि बढ्दा सरकार के गरेर बसेको छ?’ भनेर प्रश्न गर्नुभयो ।

रवि लामिछाने प्रकरणमा विभिन्न सामाजिक सञ्जालमा अवाञ्छित गतिविधि हुँदा प्रशासनलाई कानुन कार्यान्वयन गर्न के कारणले रोकियो भनेर सांसद बाँस्कोटाले आक्रोश पनि व्यक्त गर्नुभयो । काठमाण्डौ चितवन लगायतका क्षेत्रमा बढेको अवाञ्छित गतिविधि रोक्न सरकारले गरिरहेको कामबारे सदनमा जानकारी गराउन माग पनि गर्नुभयो ।

विशेष समयमा बोल्ने अन्य वक्ताहरुले देशको समसामयिक विषयहरुमा सरकारको ध्यानाकर्षण गराएका थिए ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्