आत्मविश्वास बोकेर हिँड्नुस्, राप्रपा वैकल्पिक शक्ति बन्छ : कमल थापा

भदौ २६, २०७६ बिहीबार १८:१९:५३ | उज्यालो सहकर्मी

काठमाण्डौ – राष्ट्रिय प्रजातन्त्र पार्टी(राप्रपा)का अध्यक्ष कमल थापाले कम्युनिष्टको एजेण्डा बोक्ने कांग्रेस देशको विकल्प बन्न नसक्ने बताउनु भएको छ ।

पार्टीको काठमाण्डौ जिल्लास्तरीय प्रशिक्षक प्रशिक्षण कार्यक्रममा बोल्दै अध्यक्ष थापाले पार्टी र व्यक्ति परिवर्तन होइन नीति र वाटो परिवर्तन आवश्यक भएको बताउनुभयो ।

२०६२/६३ को आन्दोलन राजा र आन्दोलनकारी शक्तिबीच सम्झौता भएर टुङ्गिएको भन्दै थापाले २०४७ को संविधानमा टेकर संविधानसभाको चुनाव हुने र त्यो संविधानसभाले संविधान निर्माण गर्ने सहमतिविपरीत संविधानसभाकोचुनाव अगावै धर्म निरपेक्षता लादिएकोप्रति आपत्ति प्रकट गर्नुभयो । सहमतिविपरीत दलहरुले देश, नागरिक र राजालाई धोका भएको थापाको भनाइ थियो ।

लथालिङ्ग अवस्थाबाट देशलाई मुक्ति दिनको निमित्त नयाँ विकल्पमा जानुपर्ने भन्दै थापाले विचार, बाटो र संगठनको दृष्टिकोणबाट राप्रपा त्यो शक्ति बन्ने दाबी गर्नुभयो । ‘आत्मविश्वास बोकेर हिँड्नुस्, सक्रियता देखाउनुस् राप्रपा वैकल्पिक शक्ति बन्छ’, थापाले भन्नुभयो ।

फरक–फरक विचारले प्रजातन्त्रलाई मजबुत बनाउने भन्दै उहाँले राप्रपा राष्ट्रवादी प्रजातान्त्रिक शक्ति भएको विचार व्यक्त गर्नुभयो ।

अन्तिम अपडेट: पुस २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्