बाँके घटनाका दाेषीलाई कानुनी कारबाही हुन्छ : गृह मन्त्री थापा

भदौ २८, २०७६ शनिबार १०:४७:२४ | उज्यालो सहकर्मी

काठमाण्डौ – आफ्ना नेतालाई आक्रमण गर्नेलाई कारबाही गर्न माग गर्दै नेपाली कांग्रेसले शनिबार गृह मन्त्री रामबहादुर थापालाई ज्ञापनपत्र बुझाएको छ ।

नेपाली कांग्रेस जिल्ला कार्यसमिति ललितपुरका सभापति मदन अमात्य, काठमाण्डौका सभापति कृष्ण बानियाँ र भक्तपुरका सभापति दुर्लभ थापाले गृह मन्त्री थापालाई भेटेर ज्ञापन पत्र बुझाउनुभएको हो ।

पत्रमार्फत् कांग्रेसले बाँकेका सभापति किरण कोइराला, केन्द्रीय प्रतिनिधि विद्याप्रसाद खनाल लगायतका पार्टीका नेता कार्यकर्तामाथि सुनियोजित तरिकाले आक्रमण भएको घटनाप्रति गम्भीर ध्यानाकर्षण भएको जनाएको हो ।

यति ठूलो घटना हुँदा पनि सुरक्षा निकाय परिचालित नहुनु र गृह प्रशासनसमेत संवेदनशील नहुनुलाई राजनीतिक दलले सांगठनिक कार्यक्रम गर्न पाउने संवैधानिक अधिकारमाथि सिधा आक्रमण सुरु भएको ज्ञापन पत्रमा उल्लेख छ । बढ्दो महँगी, भ्रष्टाचार, महिला हिंसा, बलात्कार, हत्याकाविरुद्ध पहिलो र दोस्रो चरणका कार्यक्रममा ठूलो जनसहभागिता देखेर कम्युनिष्ट दलको नेतृत्वमा रहेको सरकार अत्तालिएको दावी पनि कांग्रेसले गरेको छ ।

भविष्यमा यस्ता घटना दोहोरिन नदिन सरकारलाई सचेत गराउँदै कांग्रेसले विज्ञप्तिमार्फत् दोषीलाई कडा कारबाहीको माग गरेको छ । घटनाको विरोध र दोषीलाई कारबाही माग गर्दै शनिबार दिउँसो ३ बजे माईतीघर मण्डलामा शान्तिपूर्ण धर्ना गर्ने कांग्रेसले जनाएको छ ।

यसैबीच गृह मन्त्री रामबहादुर थापाले नेपाली कांग्रेसले सुरु गरेको दोस्रो चरणको जागरण अभियान अन्तर्गत बाँकेको सीतापुरमा भएको घटनाका दोषीलाई कारबाही गर्ने बताउनुभएको छ ।

सिंहदरबारमा ज्ञापनपत्र बुझ्दै मन्त्री थापाले घटनाका दोषीलाई कारबाही प्रक्रिया अघि बढाउने बताउँदै भन्नुभयो, ‘हुन नहुने घटना भएको छ, घटनाका दोषीलाई कारबाही गर्न सरकार गम्भीर छ ।’

गृह मन्त्री थापाले घटनामा दोषी देखिएका जो कोहीलाई पनि कानुनी कारबाही हुने बताउनुभयो । घटनामा दोषी देखिएका केही व्यक्तिलाई नियन्त्रणमा लिइसकेको र बाँकीलाई पनि चाँडो नियन्त्रणमा लिएर कारबाही गर्ने उहाँको भनाइ थियो ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्