किर्ते गरेर बैंकबाट रकम निकाल्ने गिरोह पक्राउ (नामसहित)

मंसिर ११, २०७६ बुधबार १४:३३:२४ | उज्यालो सहकर्मी

काठमाण्डाै - बैंकमा खाता खोलेर अरुको हस्ताक्षर नक्कल गरी रकम निकाल्ने गिरोहलाई प्रहरीले पक्राउ गरेको छ ।

विभिन्न बैंकमा खाता खोलेर हस्ताक्षर नक्कल गरी लाखौँ रुपैयाँ निकाल्ने ६ जनालाई पक्राउ गरेको महानगरीय प्रहरी परिसर,काठमाण्डौले जनाएको छ । जनता बैंकका खातावाल गोपालमान राजवाहकले आफ्नो खाताबाट मंसिर ८ गते १९ लाख ९९ हजार रुपैयाँ निकालेको मोबाइल मेसेज आएको भन्दै प्रहरीमा उजुरी दिनभएकाे थियाे ।

त्यसै सूचनाकाे आधारमा प्रहरीले राष्ट्र बैंक र सम्बन्धित बैंकसँग छलफल गरी प्रहरीले अनुसन्धानलाई अगाडि बढाएको थियो ।

अनुसन्धानका क्रममा किर्ते गरी रकम निकाल्दै गरेको अवस्थामा चोरीमा संलग्न ६ जनालाई पक्राउ गरिएको महानगरीय प्रहरी परिसर, काठमाण्डौका प्रमुख एसएसपी उत्तमराज सुवेदीले जानकारी दिनुभयो ।

पक्राउ पर्नेहरुको साथबाट विभिन्न बैंकका चेकबुक, खाता खोल्न तयार रहेका फर्महरु, एनआईसी एसिया बैंकको भिसा कार्ड, झण्डै ३ सय जनाको नागरिकताको फोटोकपी तथा हस्ताक्षरका नक्कलहरु र १८ लाख ५० हजार रुपैयाँ बरामद भएको सुवेदीले बताउनु भयो ।

प्रहरीका अनुसार पक्राउ पर्नेमा काभ्रेपलान्चोक पाँचखाल घर भएर काठमाण्डौ कालिमाटी बस्ने वर्ष १९ को सुभाष श्रेष्ठ, वर्ष १९ कै कुमार तामाङ, वर्ष १८ को मनिष घिमिरे, वर्ष २१ को अन्जन बराल, बागलुङकाे गलकोट नगरपालिका घर भइ काठमाण्डौ बुद्धनगर बस्ने वर्ष २५ को सुमन पौडेल र सिन्धुपाल्चोक ज्यामिरे घर भएर काठमाण्डौ सुविधानगर बस्ने वर्ष ३० को गोविन्द घिमिरे रहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्