डोटीमा एक हजारभन्दा बढीले गरे बालविवाह, एकै वडामा १ सय ६३ बालविवाह

फागुन १२, २०७६ सोमबार १२:५:५१ | विमल बिष्ट

डोटी - डोटीको दिपायल सिलगढी नगरपालिका ८ लडागडामा गएकाे साढे तीन वर्षमा १ सय ६३ वटा बालविवाह भएको पाइएको छ ।

गैरसरकारी संस्था सामुदायिक विकास केन्द्र सीडीसी डोटीले गरेको सर्वेक्षणअनुसार २०७३ साल बैशाखदेखि अहिलेसम्म एउटै वडामा यति धेरै बालविवाह भएको पाइएको हो ।

डोटी जिल्लामा भने यस अवधिमा बालविवाह गर्नेकाे संख्या एक हजारभन्दा बढी रहेकाे छ ।

बालविवाह हुनेमा १ सय ३३ जना बालिका र २७ जना बालक रहेका छन् । बालविवाह हुनेमा १४ वर्षदेखि १९ वर्षसम्मका रहेका छन् । परिवारको दबावले ३१ जना, मोबाइल तथा इन्टरनेटको प्रयोगले ३३, राम्रो घर परिवारकाे आशमा ७ जना, चाँडो बिहे गर्ने मान्यतामा ५ जना तथा चाँडो बिहे गर्दा पुण्य प्राप्त हुने मान्यता लगायतका कारण १६३ जनाको बालविवाह भएको पाइएकाे छ ।

माेबाइलकाे गतल प्रयोगले बालविवाह र अपराधजन्य घटनाले प्राेत्साहन पाएको जिल्ला प्रहरी कार्यालय डोटीका प्रहरी प्रमुख तथा एसपी दिलीपसिंह देउवाले बताउनुभयो ।

जिल्लामा रहेका नौ वटा पालिकाले बालविवाह गर्ने गराउनेलाई सरकारी सेवाबाट वञ्चित गराउने निर्णय गरे पनि निर्णयको बेवास्ता गर्दै बालविवाह गर्ने कार्य नराेकिएकाे जोरायल गाउँपालिका वडा नम्बर ५ का वडाअध्यक्ष ध्वजबहादुर देउवाले बताउनुभयो ।

उहाँले भन्नुभयो, ‘बालविवाह गर्ने पुरोहित र अभिभावकलाई कारबाही नगरेसम्म बालविवाह अन्त्य हुँने छाँटकाँट देखिदैन । अब, बालविवाह गर्ने र गराउने दुवैलाई कारबाही गर्छौँ ।’

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्