तामाकोशी अस्पतालले अठार वटा आइसाेलेशन कक्ष तयार गर्दै

चैत ६, २०७६ बिहीबार २०:५४:४० | दीपक भट्ट

रामेछाप - तामाकोशी अस्पताल मन्थलीले आगामी ३ दिनभित्र १८ वटा आइसाेलेशन कक्ष तयार गर्ने भएको छ ।

अस्पतालले बढ्दो कोरोना भाइरस संक्रमणको हल्लासँगै तयारीस्वरुप छोटो समयमा आफनो भवनभित्रै आइसाेलेशन कक्ष तयार गर्न लागेको हो । सरकारकाे निर्देशनअनुसार अस्पतालले सरकारी मापदण्डभित्र रहेर आइसाेलेशन कक्ष बनाउन लागेको अस्पतालका अध्यक्ष गोविन्दप्रसाद घिमिरेले जानकारी दिनुभयाे ।

उहाँका अनुसार अघिल्लो हप्ता जिल्ला प्रशासन कार्यालयमा बसेको बैठकले अस्पताल भित्र तत्काल आइसाेलेशन कक्ष तयार गर्न निर्देशन दिएको र त्यसै अनुसार ६ वटा कक्ष यस अघिनै तयार गरिसकिएको छ ।

उहाँले आइसाेलेशन कक्षमा सरकारी मापदण्ड अनुसारको बेड, शाैचालय, उपचार र औषधि कक्ष र स्वास्थकर्मीहरुले प्रयोग गर्ने मास्क, कपडालगायत सबै आवश्यक सामग्रीको व्यवस्था मिलाइसकिएको जानकारी पनि दिनुभयाे ।

प्रमुख जिल्ला अधिकारीको अध्यक्षतामा ५ दिनअघि बसेको सरोकारवालाहरुको बैठकले रामेछाप जिल्ला अस्पताल लगायतका अन्य ३ वटा अस्पताललाई तत्काल आइसाेलेशन कक्ष तयार गर्न निर्देशन दिएको थियो ।

अस्पतालमा १० हजार मास्क र मुलढोकामा पानी

छोटो समयमा आइसाेलेशन कक्ष निर्माण गरिसक्ने व्यवस्थापनमा जुटेको अस्पताल प्रशासनले अस्पताल प्रयोजनका लागि १० हजार थान मास्क व्यवस्थापनको समेत पूर्वतयारी गरिसकेको छ ।

त्यसैगरी अस्पतालमा आउने जाने बिरामी र सर्वसाधारणका लागि आफनो मूल ढोकामा धाराको व्यवस्थासमेत गरेको छ । अस्पताल भित्र आउँदा र बाहिरिँदा साबुनपानीले अनिवार्य हात र गोडा धुनैपर्ने व्यवस्थाको पनि मिलाइसकिएको अस्पताल जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्