कोरोना भाइरसका कारण युरोपमा रहेका नेपालीहरु उच्च जोखिममा

चैत २३, २०७६ आइतबार १४:४:४० | उज्यालो सहकर्मी

काठमाण्डौ – कोरोना भाइरसका कारण युरोपमा रहेका नेपालीहरु उच्च जोखिममा परेका छन् । चीनको वुहान शहरबाट सुरु भएको कोरोनाको सङ्क्रमण पछिल्लो समय यूरोप र अमेरिकामा तीव्ररूपमा फैलिरहेको छ ।

इटली, स्पेन, फ्रान्स, बेलायत, पोर्चुगललगायतका युरोपेली देशमा कोरोना भाइरसको सङ्क्रमण बढेसँगै त्यहाँ रहेका नेपालीहरु उच्च जोखिममा परेका हुन् ।

कोरोनाका कारण युरोपमा मानविय क्षति बढ्दै गएपछि त्यहाँ रहेका गैरआवासिय नेपालीमा थप सङ्कट निम्तीन सक्ने खतरा बढेको छ । कोरोनाको महामारीका कारण युरोपमा रहेका धेरै नेपाली रोजगारविहीन भएका छन् भने दैनिकीसमेत कष्टकर बन्दै गएको छ ।

इटालीमा कोरोनाको सङ्क्रमण र मृत्युदर भयावह देखिए पनि त्यहाँ रहेका नेपालीहरू भने सुरक्षित नै रहेको गैरआवासीय नेपाली सङ्घ इटलीका अध्यक्ष देव गुरुङले जानकारी दिनुभयो ।

गुरुङका अनुसार इटलीमा १५ सयको हाराहारीमा नेपालीको बसोबास रहेको अनुमान छ । गैरआवासीय नेपाली सङ्घका युरोप क्षेत्रीय संयोजक नारायण आचार्यले कोरोनाका कारण सिङ्गो युरोप नै सङ्कटमा गुज्रिरहेकाले नेपालीहरु पनि उच्च जोखिममा रहेको बताउनुभयो ।

आचार्यका अनुसार कोरोनाबाट आइपर्न सक्ने सम्भावित सङ्कटलाई मध्यनजर गरेर युरोपमा रहेका नेपालीहरुको राहत र उद्धारका लागि ५० हजार युरो बराबरको आपतकालीन कोष स्थापना गर्ने निर्णय भएको छ ।

कोरोनाका कारण आक्रान्त बनेको स्पेनमा १० हजारको हाराहारीमा नेपालीको बसोबास रहेको अनुमान छ । स्पेनमा अहिलेसम्म सात नेपालीलाई कोरोना सङ्क्रमणको पुष्टि भएको गैर आवासीय नेपाली सङ्घ स्पेनका अध्यक्ष दिनेश गुरुङले जानकारी दिनुभयो ।

फ्रान्समा कोरोनाको प्रकोप बढिरहे पनि त्यहाँ रहेका नेपालीहरुको अवस्था भने सामान्य रहेको गैरआवासीय नेपाली सङ्घ फ्रान्सका अध्यक्ष नरेन्द्र शाहीले बताउनुभयो ।

युरोपमै सबैभन्दा धेरै नेपालीहरुको बसोबास रहेको बेलायतमा अहिलेसम्म आठ नेपालीलाई कोरोना सङ्क्रमणको पुष्टी भएको लण्डनमा रहेको नेपाली दूतावासले जनाएको छ ।
तीमध्ये दुई नेपालीको ज्यान गएको दूतावासका उपनियोग प्रमुख शरदराज आरणले जानकारी दिनुभयो । बेलायतमा डेढलाख नेपालीको बसोबास रहेको अनुमान छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्