कर्णाली र गुरुकुलकाे नाटक प्रदर्शन गर्दै 'क्वरेण्टीन अभियान नाट्य उत्सव' काे समापन

चैत २९, २०७६ शनिबार २०:४३:३६ | उज्यालो सहकर्मी

काठमाण्डाै – भर्चुअल थिएटर फेस्टिभल ‘क्वरेण्टीन अभियान नाट्य उत्सव–२०७६’ को १६ औँ दिन शनिबार दुई नाटक प्रदर्शन गर्दै समापन भएको छ ।

कोभिड–१९ सङ्क्रमणको सन्त्रासपछि सरकारले लकडाउनको घोषणा गरेलगत्तै चैत १४ गतेदेखि क्वरेण्टीनमा बस्दा सहज बनाउने अभियानका साथ उत्सव सुरु भएको थियो । नाट्य उत्सवका रूपमा दैनिक नाटकको भिडियो प्रदर्शन गरिने कार्यक्रम शनिबारदेखि समापन भए पनि भिन्न स्वरूपमा अन्य भर्चुअल कार्यक्रम भने निरन्तर भइरहने उत्सवका निर्देशक केदार श्रेष्ठले बताउनुभयो ।

शनिबार कर्णाली आर्ट सेन्टरको नाटक ‘गर्भछिटा’ को भिडियो प्रदर्शन भएको छ । हिरा बिजुली नेपालीको लेखन र निर्देशन रहेको नाटकमा कर्णालीकै स्थानीय कलाकारहरुको अभिनय छ । विष्णुमाया परियारको साथमा राज मल्ल, गोविन्द सुनुवार, गणेश बहादुर खड्कालगायतको अभिनय देख्न सकिन्छ ।

त्यस्तै शनिबार नै आरोहण गुरुकुलको नाटक ‘ताराबाजी लै लै’ को भिडियो प्रदर्शन भएको छ । तत्कालीन गुरुकुलका धेरैजसो कलाकारहरू रहेको नाटकले बाल्यकालीन समयमा पुर्‍याउँछ । गुरुकुलका धेरैजसो कलाकारहरू बालबालिकाको भूमिकामा छन् । नाटक नर्वेका रङ्गकर्मी मोर्टन क्रोगले कार्यशालाका क्रममा सिर्जना गरेका हुन् ।

तस्बिर : स्ट्रीट नेपाल

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्